Chin ramkulh, Falam Market sak ṭhan ding in Tualchung mi nih Market sak nakding Committee cu April 26 ah an dirh, tiah theih a si. Cu Committee cu Dr. Run Bik Taithio nih a hruai hna i India um Myanmar Embassy ah Market sak nakding bawmh hal an i tim, tiah kan theih.
Ni kum November thla ah Dr.Run Bik Taithio nih Myanmar-India Ambassador pa a rak ton bal. Falam market cu kyats sing 10000(thonghra) dih in, dotthum in sak an i tim, tiah kan theih.Dr. Run Bik Taithio aa zuamnak thawng in India ram um Falam Town Hall saknak le Cultural inn saknak zong an rak bawmh hna.
Dr. Run Bik Taithio cu India ram New Delhi ah Aung San Suu Kyi nih a rak dirh mi, Prospect Burma sianginn ah kum saupi principle rian a ṭuan caah India cozah he aa thei hngal ngai mi an si. Credit: The Chin Post.
Thawngpang dang. Sagaing ramṭhen Minmu peng Win Pih khua le Allakappa khua kar ah riahcaw a phortu SAC ralkap mawtaw bomb puah hnawh a si tiah theih a si. SAC mawṭaw cu 136 an si i, Sagaing in Monywa lei ah riahcaw a phor mi an si. April 27 chun Sml 11:30 tluk ah bomb puah hnawh an si i SAC ralkap 10 an thi, tiah theih a si.
Black Eagle Defense Force hruainak in an doh hna i a voikhatnak padeta bomb lung 3 in puah an si mawtaw 6 cu kal kho ti loin a rawk. Cun a voihnihnak bomb lung 3 puah an si ṭhan i SAC ralkap 20 tluk hliam an tuar, tiah Black Eagle Defense Force-MMU nih an thanh. Back Eagle Defense Force, Myinmu People Defense Force, Myinmu Civil Revolution Force, Myinmu Hletse Pyohcia le CDSOM phunga fonh in an doh hna, tiah theih a si.
Leave a Reply