Tathon Pengkomh Kahdohnak Ah SAC Ralkap 500 Hrawng An Thi, 300 Leng Hliamhma An Tuar. January in June thla tiang (thla 6 chung) ah KNU Tathon pengkomh brigade 1 hmunram chung ah kahdohnak voi 209 a chuak, tiah KNU nih nihin ah cathanh an chuah. Cu kahdohnak ah cun SAC ralkap 445 an thih lengah minung 332 hliamhma an tuar, tiah an langhter.
Kaphnih kahdohnak ah KNLA/KNDO le tualchung hriamtlai phufonh chungtel 7 an thi i, 8 hliamhma an tuar tiah theih a si.SAC ralkap nih nawlngeihnak an laak hnu in KNU hmunram chung ah faak ngai in kahdohnak a chuak i, SAC ralkap lei nih van lei kahdohnak faak ngai in an tuah, tiah KNDO special commando ralbawi Saw Salung nih a chim.
Kum 2022 kumthok in thla 6 chung ah KNU- KawTuLay(ကော်သူးလေ) hmunram chung ah kahdohnak voi 2686 a chuak i, cu kahdohnak ah cun SAC ralkap 2,208 an thih lengah minung 1545 hliamhma an tuar, tiah KNU nih July 6 ah cathanh an rak chuah. Credit: The Chin Post.
Thawngpang dang. Breaking News. Tuhi Kalaymyo khuapi ah i kahdohnak a chuak lai tiah zumh a si. Atu nai ti awk ah Lairawn khualipi Kalaymyo ah hriamnam ngan puah thawngpang a tur ko tiah an chim. Tuni July ni 10 zan suimilam pariat hrawng ah Kalaymyo thlanglei Tahan puahkehnak thawngpang a thang.
Hriamnam ngan puah thawng lawng siloin, hriamnam hme meithal puahthawng zong kan theih tiah khuami hna nih an chim rih. Tuzan hriamnam ngan siseh hriamnam hme siseh a puah nak kongah thawngpang fiang theih a si rih lo. Ralhrang kawlralkap hna nih an puah sawhsawh mi zong asi kho tiah khuami pakhat nih a chim.
Leave a Reply