Matupi Peng Kahdohnak Ah SAC Ralkap 16 An Thi, 10 Hliam An Tuar, Chin ramkulh, Matupi peng Walanpi khua le Kala khua kar ah June 7 zanlei sml 5:00 hrawng ah SAC ralkap pawl cu bomb puah an ton caah 16 nak tlawm lo an thi, tiah CDF-Matupi sin in theih a si.June 7 zanlei sml 5:00 hrawng ah Walanpi le Kala khua kar ah bomb lung 3 in an puah hna caah SAC ralkap 16 nak tlawm lo an thi i, 10 cu ke bul kut bul buin hliamhma an pu, tiah theih a si.
Walanpi le Kala khua kar Va Ngai Ceng(horkuang) ah CDF-Matupi nih bomh an puah hna i, SAC ralkap 16 nak tlawm lo an thi. Cu hnu ah Matupi-Paletwa lam lei ah an kal. AA ralkap umnak ah kal in an kuttang ah chiah an duh hna. Sml 1 hrawng kal hngading cu ramlak in an kal caah chun ni tlak an rau,” tiah tualchung mi nih Khit Thit Media ah a chim. Credit: The Chin Post.
Thawngpang dang. Tuni June 11 ah ralhrang kawlralkap nih Hakha ah Nungak Van Lal Par an tlaih tiah thawngtheih a si. Hi kong hi anmah ralhrang kawlralkap hna nih thawngzamhnak an hmanmi Fifty Two News nih a langhter. CDF he pehtlaihnak a ngei mi nu pakhat kan tleih tiah an langhter.
Ralhrang nih an tlaihmi Nungak Van Lal Par hi Thantlang peng Dawn khua mi a si. Amah hi Hakha in Yangon lei kal aa tim i, Hakha Maan Bus ah a cuang. Ralhrang nih an gate ah an tlaih hi a si. Hakha CDF he pehtlaihnak a ngeimi pakhat kan tlaih. Tuni suimilam 11 ah Hakha in Yangon lei ah kal aa timmi,
Hakha Maan Bus aa citmi chungin checknak an tuah ah an tlaih mi a si. A phone kan zoh tikah CDF ralkap uniform aa hruk lio hmanthlak zong a um tiah an thanh. Ralhrang kawlralkap nih Uniform he hman aa thlami an tlaihmi hna hi an tlawm ti lo. Cucaah ramchung a ummi hna nih i ralring taktak hna usih.
Leave a Reply