CDF-Matupi sin ah ralhraang pahnih meithal zun thum he CDM an tuah ca ah khuami pasarih ralhraang nih an tlaih hna.2022 April 21 ah, Matupi hrambunh SAC ralhraang Chit Ko Ko le Monywa hrambunh ralhraang sakhan in Phyo Min hna nih meithal zuun thum he CDF-Matupi sin ah an rak i fonh ruang ah SAC ralhrang nih khuami minung pasarih an tlaih hna tiah theih a si.
Meithal an i zaam pi mi hi BA 72, MA 4 le MA 3 phun an si i mizapi ralkap sin aa fonh mi ralhraang hna cu a himnak ah chiah an si tiah CDF-Matupi nih May 4 ah cathanh a chuah. Cathanh a chuah mi chung ah, “Kan sin ah CDM an rak tuah mi kong he pehtlai in Matupi khuami nu 6 le pa 1 ralhraang nih an tlaih hna i an tukvelh hna an hrem hna.
An meithal zuun 3 ngah khawh than nakding ah khuami tlaihkhih, tukvelh le an hrem hna lawng si lo in raal khamnak ah an hman mi hna hi CDF-Matupi nih kan duh hrimhrim lo,” tiah aa tial. Cun, SAC ralhrang telh in zei bantuk ralhraang phu he hmanh i thlennawn in zeihmanh kan tuahti bal lo tiah aa tial chih. Credit: The Hakha Post.
Salai Tluangte biachim cu lung a hmui in a dik khotuk ee, Ram le miphun caah nunnak thaap in rian a ttuanmi Salai Tluangte nih a chimmi cu Inn kan ngeih lo ruangah Ramtang um kan si lo. Thi kan hiar ruangah Meithal kan tlaih a si lo. Kan ram, kan miphun A temtuarnak a tahnak Mitthli le thlanti vialte Hnawhpiak dih ding in Rian khinhmi kan si ca ah a si. Tiah a langhter.
Leave a Reply