Update: Thawngpang tthatuk a chuak. Falam le Hakha karlak kahdohnak ah ralhrang kawlralkap motor pali cu Chin ralkap pasalttha hna nih an lak cang tiah theih a si.Hi konghe pehtlaiin Salai William HC nih a langhtermi cu Ralhrang motor 4 kan ralkap nih an lak piak cang hna. Hakha tiang ahcun ceilak an lak rih ka zumh ko. Nan thlacamnak a lakka silo hih tiah a langhter.
Atu hi Ramthlo le Dothek khua kar lak ah Chin ralkap le ralhrang kawlralkap an i kah cuahmah lio a si. Ramthlo khuachung ah motor hnulei kee kal pawl le Chin ralkap an i kah lio a si rih fawn. Atu hi hmun hnih ah an i kah cuahmah lio a si. Falam lei in ralhrang kawlralkap hna nih tuni lawngah miakpi in Ramthlo lei ah voi ruk renglo an kah cang tiah a langhter.
Falam-Hakha karlak kahdohnak ah SAC ralkap a thimi an tam, SAC ralkap nih mipi inn 35 leng a khangh chap. Chin rankulh, Fam in Hakha lei ah a rak kaimi thazang 200 hrawng SAC ralkap pawl cu CNDF phufonh nih an kah hna caah SAC ralkap a thimi an tam tiah Chin National Organization (CNO/CNDF) nih a thanh.
SAC ralkap pawl cu CNDF, CNA, CDF le CJDC phufonh nih lam thluangthluan an kah hna tiah theih a si.SAC ralkap cu an sungh tuk caah hriamngan an kan thlorh i Tlangrawn khua biakinn le nurse a ṭuanmi nu umnak inn pakhat hriamngan nih a khen i a rawk tiah theih a si.Cun SAC ralkap pawl nih July 9 ah Falam peng Taal khua mipi inn 29, July 10 ah Tlangzaar khua mipi inn 6 nak tlawm lo an khangh tiah a thanh.
Inndawng 36 khuasa an sinak Taal khua cu SAC ralkap nih an khangh lengmang ruangah inn 5 lawng a tang cang i a tangmi inn 5 zong cu an bauh dih tiah a langhter.Falam-Hakha karlak July 8 kahdohnak ah SAC ralkap 20 leng an thi tiah theih a si.
Chinland Defense Force Tonzang cu Chin National Army CNA ah an i fonh dih lai tiah Lian Bawi nih a langhter. Hi konghe pehtlaiin Lian Bawi nih zapi sin ah a vun thlahmi cu CDF Tonzang cu CNA ah an i fonh lai ti thawng theih cu lung a hmuituk e. Ka chunmang cu CDF Tonzang nih lam an vun hruai cang hna e.Bawipa khuakhan hi theihthiam a har ko. Ka ruah lotuk mi CDF Tonzang nih Chin mi hmunkhat te ah kan i funtom khawhnak ding lam an vun hruai ko hna cu lawmh lo awk a ttha hrimhrim lo tiah a cunglei langhtermi Lian Bawi nih thanhnak a tuah.
Salai Aung: Khuapi chung um Mino ka hawile hna zeiruangah ah Sport day nan tuah nak, KTV nan kai nak, Buti nan ei nak, dawr thatha ah rawl thaw thaw nan ei nak, tiva nan kalnak, hawikom he nan inuamhnak pawl Facebook ah tar lengmang hlah ulaw kan in timi hna hi a ruang nan ifiang rua lo.Nanmah bantuk in nuamh a duhtuk cingling a si vemi Mino tampi cu ramtang ah ihnak rep ngei lo le hmakphek hmanh duh in ei awk um loin Miphun le ram caah an nun an thap an caanttha vialte an pek. Hihi anmah rian hlei a si lo. Na rian ka rian a si ve. Mah bantuk in harsat an tuar lioah an hawile nih nuamtuk in nan ummi an hmuh ahcun an lung a zor ve cuh.
An in hngar hna. Kir an duh. An Nulepa nih an in hmuh hna tikah kannih fa vial hitluk har a tuar midang vial hitihin an um kho an ti i an fale kha kir an fial hna. Cuti cun i nuam dih usilaw hodah kan Miphun dohthlennak cu a tuah kun lai. Cun kan hngalh awk pakhat cu tu bantuk in zalong nawn tein lenvah Le nuamhsaih ter khawh kha Uico ralhrang pawl nih an i timhmi cu a si cuh.Mah tihin kan chiah hna lai i dohthlennak thinlung tlau seh i nuam hna sehlaw kan uk hna lai ti kha an duhmi a si. Cucaah nan lungsia a rem ko ahcun i nuam ko uh. Mah belte zei kan ti hnga Facebook ahcun kan post piak len ti hlah uh tiah Hakha khuapi chung um ka hawile vialte kan nawl ko hna.(Kannih zong nanmah he hmunkhat teah lentecelh le nuamhsaih kha kan ngai tuk ve ko ee.Tu lio cu nuamhsaih kan isum ve mi te zong hi dohthlennak caah a si tiah ruat ko hna usi mu. Cun kan tei tikah tu lio kan isum mi vialte ca he kan inuam te hna lai mu
Leave a Reply