Falam le Kalay kahdohnak thlahnih chungah SAC ralkap 66 an thi: CNDF. Chin ramkulh, Falam le Sagaing ramṭhen Kalay peng ah Chin National Defense Force (CNDF) aa telnak kahdohnak pawl ah SAC ralkap 66 an thi tiah CNO/CNDF nih a thanh.Falam peng le Kalay peng, May le June thla chungah SAC ralkap he kahdohnak voi 10 a rak chuak tiah a thanh.
Kahdohnak chungah SAC ralkap 66 an thi, hliamhma a pumi an tam i CNDF hriamtlai 3 an nunnak a liam, 4 hma an pu tiah a langhter.SAC ralkap nih May thla chungah Falam peng Ramthlo khua inn 10, Tlangzaar khua inn 17, Parte khua inn 6 le Zawg Lay khua inn 5 an khangh tiah aa ṭial. Credit: The Chinland Post.
Update. Thailand le Kawlram ramri ah ralhrang kawlralkap nih cunglei raltuknak vanlong pahnih in bomb an thlak i AA Ralkap minung paruk an Nunnak A Liam. Myanmar le Thailand ramri i Arakan Army (AA) camp pakhat ah SAC ralkap nih vanlei in kahdohnak an tuah caah Arakan Army(AA) chungtel minung paruk nunnak a liam.
Ralhrang kawlralkap nih vanlong in bomb an thlak mi ruangah sii-inn, seh-zung le inn cheukhat zong an rawk, tiah AA nih an thanh. July 4, chun suimilam 12:25 ah Myanmar-Thailand ramri pawng Kayin Karen National Liberation Army (KNLA) brigade 5 hmunram chung i Arakan Army(AA) camp pakhat cu SAC ralkap nih raltuknak vanlawng 2 in bomb thlak.
Hi bantukin ralhrang nih a thlithup in cunglei in an kah ruangah AA ralkap paruk nunnak liam lengah hliam a tuarmi tthenkhat zong an um tiah AA nih an langhter. Vanlawng 2 cu kahdohnak a dih hnu ah Thailand lei ah an zuang, tiah an thawngthanh ah an langhter chih.
Tutan ah a nunnak a liammi AA ralkap hna cu Kyaw Oo Hlaing kum 31 le Kyaw San Htay kum 26. Cun Twin Twin Lin kum 24 le Bo Than Kyaw kum 20. Cun Kum 29 a si Nay Zaw Oo le Kum 20 a simi Za Ni Win hna an si. Tutan thil hi tanglei in kahdohnak a chuak mi a si lo. Athlithup in cunglei in an rak kahmi hna asi.
Leave a Reply