Gangaw Peng Kahdohnak Ah SAC Ralkap 30 Leng An Thi.Magwe ramṭhen, Gangaw pengchung ah June thla zarhhnihnak in tualchung hriamtlai phu le SAC ralkap kar kahdohnak pehtlai in a chuak i, cu kahdohnak ah cun SAC ralkap 30 leng an thi cang, tiah Western Regional Military Headquarters PDF in ṭuanvo ngeitu pakhat nih a chim.
SAC ralkap nih cun Gangaw he a naihnak khua cheukhat zong ah inn an khangh hna. Nihin June 19, zong ah kahdohnak a chuak i, cu kahdohnak ah cun SAC ralkap 3 kan tlaih hna, tiah a chim chap. Credit: The Chin Post.
Thawngpang dang. Thlacamnak in rak ka bawm hram uh tiah Ukraine nu pakhat nih thlacam a cah. Ukrainian Nu pakhat nih fa le kongkau he pehtlaiin mipi sin ah Thlacam cahnak zong a tuah. Ukraine ram vengtu ralkap hna cu a liamcia February in khan zan hngilh kho loin an um cang tiah a chim. Cun an chungkhar an hmuh lonak zong a sau cang e.
Western ram hna nih hriamnam aa kan pekmi thawngin tutiang dirhmun kan phan. An tuarnak hi tahpi phu taktak a si konain, lungthawng taktak in an um rih. Kan fanu le fapa hna he damte in kan ram zalonnak kan hmuh i, kan i ton khawhnak hnga thlacamnak in kan bawm hram uh. Ka fale thawngpang ka theih lonak zong thlahnih renglo a si. An pathum in ram caah an kal tiah a chim.
Leave a Reply