Zapi Theihternak.August 5️: Rungtlang ‘266’ in a rak chuakmi squad cu CDF le CNA nih (9:40 am) ah an bawh hna i an kah hna.Ralhrang (3) an thi, hliammi (4) an si.Rungtlang ‘Phone Tower’ ah B1 nih an va kah hna i Ralhrang a thimi theih khawh an si rih lo. Ralhrang tunhmi kelamh bomb (4)zong an lak khawh. Kelamh bomb nih caw a puahmi zong an va hmuh!kanmah lei kan him.Crd. Hakha Campaign For Justice.
Thawngpang dang. Ralhrang nih mipi ralkap minung 21 an tlaih hna i, tthenkhat cu an thah hna. Yangon ah From Zero Hero le Mandalay in Mother Son Mandalay Force chungin Hruaitu he minung 21 an tlaih hna i, minung pakua an thah hna i, ruak tthenkhat zong an hlonh hna tiah Mandalay UG hruaitu Ko Muaipuai(ကိုမြွေပွေ) nih an langhter.
MRRF hruaitu Bo Aung Mun le a hawi le dang minung pahra hna cu August nikhat zingka suimilam paruk le cheu hrawngah ralhrang kawlralkap minung 50 hrawng nih Bo Aung May inn ah an tlaih hna tiah an langhter. Cun ralhrang hna nih an tlaih hna hnu ah Pin Oo Lwin No 1 Hotel ah a ummi Mother Son Mandalay Force hruaitu Ko Sahai le a dang Nu pali le pa pali zong an tlaih rih hna.
An tlaihmi chungah minung pakua hna cu an thah hna i an ruak zong Mandalay le Rangon lampi ah an hlonh hna tiah an langhter chih. An thahmi hna hi ဗိုလ်အောင်မြေ၊ ကိုကြွက်(ခ)တက်သစ်၊ ကိုဝေဖြိုးအောင်(ခ)ဝေကြီး၊ ကိုဝင်းမင်းအောင်(ခ)ဇော်ပိုင်၊ ကိုနေလင်းခန့် (ခ)ကိုစနေ၊ ကိုမင်းသူအောင်၊ ကိုအောင်ဖြိုးခန့်(ခ)စပ်ကြား၊ ကိုမိုးဇင်(ခ) ငဒူနှင့် ကိုနေလင်းလင်း(ခ) ကိုရှိုင် an si.
Bo Aung May le Ko Tat Thit Sah ruak hi Yangon Mandalay lampi ah an thah hna in an hlonh hna i a thimi ruak hi minung pathum an si, Minung pahnih hmanthlak lawng kan ngah i minung pakhat a thimi tu hi hodah a si timi kan fehter rih lo tiah a chim. August nikhat zing suimilam paruk le cheu hrawngah MRRF phoih hna cu ralhrang 50 hna nih an kal hnawh in an tlaih hna.
An tlaihmi chungah Maior Aung May zong aa tel, a hramthok ahcun minung pahra hrawng an tlaih hna. Hi thil a cannak hi Dalan ruangah a si ko tiah a chim. Leirawi taktak a si ko. Mah tlawmpal ah Pyin Oo Lwin ah Ko Shai le midang pa pali le nu pali an tlaih rih hna. Koshai account hi ralhrang hna nih an hman ti a si i, media lei zong nih an dawi ngaingai ti a si.
Mipi hna le dothlennak a tuahmi hna nih kan theih dingah ka duhmi cu Mother Son Mandalay Force hruaitu hna le MRRF chungtel an tlaih cang hna, Cucucaah anmah account kha chawnti hna hlah uh ralhrang nih an hman cang tiah a chim. Cubantukin Yangon in a rami From Zero To Hero hruaitu, Comrade Ko Kula le Mann Son Lai hna zong May ni 24 ah an tlaih hna i Insein thongah an chiah hna. Thah dingin biachahnak an tuah cang hna tiah UG hruaitu pakhat nih a chim.
Leave a Reply