Good News. KNLA nih Ralhrang kawlralkap sakhan panga an lak khawh. Bago ramthen Naung Lay Pin peng, Mon Peng ah ralhrang kawlrlakap hna umnak sakhan panga cu nizan July ni 2 ah KNLA Brigade 3 le an tuanpi hawi hna nih an kah hna i ralhrang kawlralkap sakhan panga an lak tiah KNU nih an langhter.
Mong peng ah a ummi ralhrang kawlralkap sakhan Kaung Pya, Aung Laung Sein, Kyangsu sakhan hna cu tuzing July nithum zingkhua suimilam pali le minute 45 ah KNLA nih an lak. Sakhan an lak mi hi ralhrang kawlralkap hna nih khuachung minung aa chokvak mi an kham hna i hnahnawhnak an pek hna i a him lonak a si hmun a si tiah theih asi.
Kahdohnak ah kap hnih a nunnnak a liammi le hliam a tuarmi an um. Ralhrang kawlralkap lei in ralbawi tatyinhmu telh in a thimi le hliamtuar zat theih ding an i zuamcuahmah lio a si. Aung Laung Sein le Kyun Pin port station, Kawpyin le Kaung Su sakhan hi ralhrang hna le pyitusit sakhan an si i pyitusit pali zong an thi.
Adang tthenkhat cu an zaam hna tiah an langhter chih. Ralhrang sakhan an laknak ah meithal zun riat le kuan tam ngai an lak rih. Ralhrang hna nih cunglei vanlong le helicopter in an bawmh hna ruangah KNLA pawl nih a dihdongh tiang thianhfainak an tuah kho rih lo.
Mipi target in an kah ruangah khuami pali an thi i hliamtuar an tam tiah theih a si. Ralhrang kawlralkap hna nih hriamnam ngan khua an kah, cu lawng siloin thaazaang an chap lengmang ruangah kahdohnak hi a fak chinchin kho tiah KNU nih an langhter.
Thawngpang dang. Kalaymyo in a rak i thawhmi ralhrang kawlralkap motor rual cu Falam le Hakha panh an ra cuahmah cang. Atu hi ralhrang hna cu Falam peng Parte khua in Falam an rak panh cuahmah. Lampi ah hriamnam ngan he hme he an puah hna. Kalaymyo in ralhrang kawlralkap motor a rami hna cu tuni ah Falam pawng an phan cang.Tuni July nithum ah Falam pawng Parte khua in ralhrang kawlrlakap hna cu Ke in an kal hna. Lampi ah hriamnam ngan he hme he an kah cuahmah hna tiah theih a si.
Zahan ah ralhrang kawlralkap hna cu Parte khua pawng Lumpang khua ah motor pali he an riak i a dang motor 20 renglo cu a hnulei Hlanzawl khua ah an um rih ti a si.Hi konghe pehtlaiin nizan July nihnih ah Hlanzawl khuami pakhat cu ralhrang kawlralkap uico rual hna nih Lo in a rak tlun lio ah a ruang zeihmanh um lo in an kahthah tiah thawngpang theih a si. Kan Chin pasalttha mipi ralkap hna zong ralring tein um cio hna usih. Bawipa nih in kil veng hram ko hna seh.
Leave a Reply