Min Aung Hlaing caah cun hmaichiat lo awk hrimhrim a tha lo. Athimi a fale an tamtuk. Nizan May ni 24 kahdohnak ah ralhrang kawlralkap Uico pawl minung 77 an thi. Mipi ralkap lei in minung Pakhat nih ram le miphun caah an nunnak an pek ve tiah thanhnak an tuah. Nizan rampi huap kahdohnak ah ralhrang uico pawl an thihnak hmun le hma hna cu a tanglei bantuk in an si.
Kachin ramkulh PyuthaOo kahdohnak ah ralhrang minung 20 an thi, Karen ramkulh Demosu kahdohnak ah uico ralhrang minung pathum an thi tthan. Cun Karen ramkulh thiamthiam Bawlakhah kahdohnak ah ralhrang uico minung 10 thah an si i,mipi ralap lei in minung pakhat nih ram le miphun caah a nunnak a pek.
Mon ramkulh Tingyazat kahdohnak ah ralhrang minung pakhat an thi i, Sagaing ramthen Chaung Oo kahdohnak ah ralhrang minung paruk an thi. Cun Kani kahdohnak ah ralhrang minung 1 a thi. Sagaing ramthen Myaing kahdohnak ah ralhrang minung pali an thi. Magway, Pakuku kahdohnak ah ralhrang minung 13 an thi.
Mandalay ramthen Watdwin kahdohnak ah ralhrang kawlralka minung panga an thi.Cun Sagaing ramthen Watdwin kahdohnak ah kahdohnak ah uico ralhrang minung pakhat an thi. Cun Sagaing ramthen Tanhse kahdohnak ah ralhrang kawlralkap lei in minung 13 an thi tthan. Magway ram then Myaing kahdohnak ah mipi ralkap pakhat a thi.
A cunglei langhtermi hna hi May ni 24 rampi huap kahdohnak ah mipi ralkap hna nih uico ralhrang kawlralkap an kahthah mi hna a si i, an dihlak in minung 77 an thi. Mipi ralkap lei in a nunnak a liammi hi minung pahnih an si. Cazin theih khawh tawk langhter mi a si i, hinak in a thimi an tam lai tiah zumh le ruah a si.
Leave a Reply