GOOD NEWS, KHUABAWI DR. WIN AUNG AN THAH, KHUA AN PHIH DIH

Ralhrang nih khuabawi rian an khinhmi Dr. Win Aung an kahthah. Yangon ramthen Dalah, Kamasit sangah ralhrang hna nih khuabawi rian an khinhmi Dr Win Aung cu an kahthah. An thah hnu ah ralhrang hna nih khuachung ah Cycle cit an khap tiah khuami sin in theih a si. Ralhrang riankhinh mi khuabawi,

Dr. Win Aung cu May ni 26 chun hnu suimilam pale minute 20 hrawngah Boo Ottama le Thazin lam karlak ah kahthah a si. Dr Win Aung hi ralhrang dohkalhnak a tuahmi mino tampi tlaih khihnak kongah pehtlaihnak a ngei mi a si tiah theih a si. Amah hi Zikan cawhnak a kal ah an kahthah hi a si tiah an chih.

Ralhrang he pehtlaihnak tha an ngaih ruangah a tubantuk in an kahthah mi hi a si ko lai tiah an chim.May 27 ni thawk in Dala ah motorcycle cit kan phih tiah an thanh. Motorcycle an tlaihmi hna zong an um cang. Kan in kah hna lai i kan in tlaih hna lai an ti tiah tualchung mi pakhat nih a chim. Ralhrang kawlralkap hna nih hi thihnak konghe pehtlaiin khuachung ah cycle cit an khap ruangah mipi hna cu kal umnak ah harsatnak an tong ngaingai tiah an langhter.

Thawngpang dang. Lo in a rak tlunpah ah ttek nih a tlak i a nunnak liam. Ayeyardady, Kan Soe Kone khua ah a ummi kum 29 Ko Naga Lin cu Lo rian a ttuannak in a rak tlun pah ah ttek nih a tlak i a nunnak a liam. Hi konghe pehtlaiin khuami pakhat nih a chimmi cu May ni 25 ah hithil hi a cang mi a si.

Ruahsur lio ah Lo in a rak tlung Lampi ah ttek nih a tlak i a nunnak a liam. A konglam kan theih in kan va kal hnawh i a hmun kan phak ahcun a nunnak a rak liam cang. A taksa hi zoh ah mei hma in a thimi bantuk in hliamhma aum tiah a chim. Tulio caan ah Ayeyarwady chung ah hin ruah le thli biatak a fak ngaingai.

Thlichia hran ruangah inn zong a rawkmi an um len. Culawng siloin ttek tlaknak ruangah a nunnak a liammi zong an um lenti a si. Sagaing ramthen Htantaw khua ah a ummi Ko Ohn Gy zong May ni 24 ah ttek tlaknak in a nunnak a liam tiah an chim. Amah hi ralhrang lei ah a dirmi le Pyu Saw Htee hruaitu zong a si tiah an langhter.

Be the first to comment

Leave a Reply

Your email address will not be published.


*