GOOD NEWS. KNLA LEI NIH THAWNGPANG TTHATUK AN THANH

Good News. KNLA nih ralhrang motor pahnih an hrawh, minung pahra renglo an thi. Karen ramkulh Thantaungkyi peng, Plekhi khua karlak ah ralhrang kawlralkap motor aa zulhmi hna cu KNLA brigade 2 fonh hna nih nizan July ni 28 suimilam pakua ah bomb in an thuat hna i ralhrang motor pahnih rawk. Cupin minung pahra nak tlawmlo an thi tiah theih a si.

Hi konghe pehtlaiin thanhnak an tuahmi cu Taungngu in ThanTaung Kyi ah ei le din a phurmi ralhrang motor panga hna cu kan hngah hna i bomb in kan thuat hna. Ralhrang motor pahnih a rawk. Minung pahra renglo an thi i, minung panga hliam an tuar. A thimi chungah pakhat cu lutlai pakhat aa tel. Minute 30 hrawng i kahdohnak hi a si.

Caan a tlawmtuk caah hriamnam zong kan la manh lo, Ralhrang pawl an ra i hnu kan tolh. Kanmah lei in a nunnak liammi le hliamtuar mi kan um lo i, hriamnam zong kan la kho lo tiah KNLA tatmaha 2 hmaisuang nih a chim. Bom in kah a si hnu ah ralhrang hna an rak phan tthan i hriamnam ngan in pawngkam an kah tiah a chim.

Thawngpang dang. Paletwa khua ah thimnak caah tiin chungkhar cazin zohfelnak an tuah. Hramhram in uknak a latu SAC nih 2023 ah thimnak tuah ding in atu le atu a chim hnu ah hriamtlaih dothlennak a tha a á¹­hawnnak Chin ramkulh zongah thimnak caah tiin chungkhar cazin zohfelnak an tuah ve.Chin ramkulh, Paletwa peng ah July 22 thok in thimnak caah tiah chungkhar cazin zohfelnak an tuah tiah khuami hna nih an chim.

July 22 thok in sanguk bawi an raa i sang uknak zung ah chungkhar cazin rak pu uh tiah an ti caah kan kal. Cutikah chungkhar cazin ah aa telmi an um le um lo an hlat. An um lo ahcun khoika dah an um tiah an kan hal, thimnak caah tiah an hei ti ko” tiah khuami pakhat nih Zalen ah a chim.SAC nih thimnak caah tiah chungkhar cazin zohfelnak a tuah ko nain khuami hna nih cun dothlennak a tha der seh tiah a tuahmi a si tiah an chim.Chin ramkulh ah Paletwa hi NUG cawlcanghnak a tha der biknak hmun zong a si.

Be the first to comment

Leave a Reply

Your email address will not be published.


*