GOOD NEWS. KUT BENG HNA USIH, HMAICHIA IN AN TUAH CANG

ICJ AH MYANMAR LEI NIH DOHDALNAK A TUAHMI DIHLAK HNONPIAK AN SI. Rohinya Muslim cungah miphun cihmih timhnak kong le Myanmar ram hmalak ding The International Court of Justice (ICJ) ah Gambia‎ ram nih a chuahpimi cu dohdalnak phun 4 in an tuah nain ICJ biaceihtu hna nih an hnon piak hna.

Hi biachahnak cu Nederland ram Hague ah 22 Chiapa 2022 ah an tuah. Biaceihnak ah Myanmar ralhrang lei in Minister Ko Ko Hlaing le upadi lei bawingan (Attorney – General ) Dr. Thi Tha Oo hruainak in palai cheukhat an kai.Hi biachahnak ah ICJ biaceihnak lutlai Joan Donoghue nih,

Gambia‎ cu kum 1948 ah (Convention on the Prevention and Punishment of the Crime of Genocide) minthumi an si caah tazacuainak nawl an ngeicucaah Myanmar nih a dohdal mi cu hnon piak a si. Tu bantukin hnonpiak an si caah Gambia‎ nih tazacuai mi cu ICJ nih a pehzulh fawn lai. Hi sualphawtnak cu kumcaan a rau rih kho tiah hlathlaitu hna nih an ruah. Credit: The Lairam Times.

Thawngpang dang relchap. Myanmar-Thailand ramri Myawady in Kokarate lei ah a kalmi vanlawng petrol phortu motor pakhat cu nihin July 23, zinglei suimilam 10:00 hrawngah Kokarate khualuhnak motor lampi ah a ho si hngalh lo mi hriamtlai phu nih an kah caah cu motor cu a kaang tiah khualtlawng mi hna nih an chim.

Myawady in thil phuntling an phorh tawn, petrol hna zong an phorh. SAC ralkap nih hmanmi vanlawng petrol zong an phorh tawn, an caah cun ral a tam ngai, SAC ralkap cu mi tampi nih dohmi an si caah an tuahmi thilk kip cu doh le hrawhpiak an si ko lai” tiah khualtlawng mi pakhat nih cun a chim. Karen ramkulh Myawady peng ah khualtlawn le um/kal lo ding in KNLA brigade 6 nih cathanh an chuah, Myawady Wawlaymyine lampi zong hman rihlo ding in kham a si.