Min Aung Hlaing a lo cang. NUG cozah nih a inn an zuarpiak. NUG cozah nih ralhrang kawlralkap lutlai Min Aung Hlaing le a kuttang pawl an inn le hmun hna cu mipi sin ah kan zuar lai tiah thanhnak an tuah. Hi konghe pehtlaiin NUG cozah ah Project le Finance vuanci Tin Htun Naing nih a tanglei bantuk in thanhnak a tuah.
Kanmah NUG cozah nih ralhrang kawlralkap lutlai Min Aung Hlaing inn le hmunhma siseh ralhrang dang hna i, an inn le hmunhma hna cu zuar dingin timhtuahnak kan ngei. Ralhrang hna inn le hmunhma hna cu tulio a man in tuak ahcun zatuak 70% tluk kan tthumh lai i hmaithla in zuar hram thok kan timh.
Kan zuar ningcang cu angeitu pakhat sinak ngeih ve dingin a si lai i, tingkhat man kha thong 30 in zuar asi lai. Dotthlennak a dih tikah lilam in kan zuar lai i tingkhat le cheu in kan zuar khawh ahcun thong 30 in a cawtu kha tingkhat le cheu a hmuh thiamthiam lai. Zuar dingmi ah Min aUNG hLAING inn zong aa tel. Inhlia lampi i Min Aung Hlaing inn cu a tu ah dollar 30million hrawnghrang man a si.
Yangon ramthen chung lawngah ralhrang lutlai hna inn hi 40 asi i inn hmun hi 400 tluk zuar ding a um. mipi caah rikhiah um loin angeitu sinak covo he cawk a ngah. Ralhrang kuttang ah riantuantu vuanci hna i an inn le hmunhma zong dothlennak a dih tik i thanchonak caah rian a ngeimi hna nih a hlanken in cawk a ngah.
2021 rampi nawlngaihnak latu ralhrang hna inn le hmunhma hna cu kan lak dih ding asi i, a hlan i ralhrang pawl inn le hmun hna cu lakpiak kan tim hna lo. Ralhrang nih rampi nawlngaihnak an lak nak a ruang pakhat cu tangka le rothil an duh caah a si. Hibantuk in ralhrang nih an tuah kho lo i, kan ngaihcia mi zong hloh chap lo dingin vawleipi theihternak ah atu i ralhrang hna inn le lo zuar ding kan si. Kan hmuhmi tangka cu dotthlennak a nunnak a liammi le hliamter CDM le inn le lo a ngeilomi hna caah kan hman lai tiah a chim.
Leave a Reply