Yinmapin peng, BanbBoi khua ah umhmun a khuarmi SAC ralkap le PyoSawHtee hna cu July 3 zanlei Suimilam 4:00 hrawng ah mizapi vengtu ralkap hna nih Bomb in an kah hna i a tlawmbik 10 cu an thi kho tiah People’s Defense Force Kani KLG phu nih an chim.
BanhBoi khua cu PyoSawHtee hna nih ukmi khua an si i khuami hna cu phaisa an hal, inn hna mei an duah caah mizapi vengtu ralkap phu hna nih an kahdoh hna hi a si. Cu kahdohnak cu Nakaa NgiNuang phu he hmunkhat ah aa bawm mi KLD PDF ( Kani), Alpha Force ( Salingyi) Spring Guerrilla Platoon ၊ Yoma Fighter (Yinmarbin PDF), Yatana Pung, A Mih May, Batta (LPDF ) le Bu MokSik(LPDF) hna i bawm in an tuahmi kahdohnak a si. TCP
Thawngpang dang.SAC nih an khanghmi Thantlang cu SAC nih sersiam ṭhan ding an timi cu CDF-Thantlang le ICNCC nih a cohlang lo. SAC nih a tuahmi Thantlang khua dirh le sersiam ṭhannak biaruahnak he pehtlai in Interim Chin National Consultative Council (ICNCC) nih cohlan lonak cathanh a chuah i SAC zertiamnak i ralrin ding in forhfialnak a tuah. SAC ralkap nih 2021 kum dongh thok in Thantlang khua cu voi 35 leng a khangh i khuachung biakinn telh in mipi inn 1,300 leng cu a ciam dih.
Cucaah SAC riankhinhmi Chinram cozah nih Thantlang sersiam ṭhannak kong he pehtlai in tonbiaruahnak cu June 30 Hakha khua ah a tuah i cu thiltuah cu ICNCC nih ka cohlang lo tiah mipi theihternak cathanh cu July 3 ah a chuah ve.Thantlang khua a rawhnak cu kokek thlichia ruangah si loin SAC ralkap pawl nih khanghpiak, hriamngan in kah le bom puah ruangah a si i June 23 tiangah Thantlang biakinn le biaknak lei inn telh in mipi inn 1,300 leng a rawk tiah langhter a si.Thantlang sersiam ṭhannak ding ah transitional Justice aa tel hrimhrim a hau, SAC nih amah a dohtu mipi pawl thazang tampi in a kah lioah cu bantuk thil cu a kal kho lo tiah a langhter.
Atulio caan ah, Thantlang khuachung ah hmunhma a khuarmi SAC ralkap pawl le CDF karlak ah kahdohnak a chuak kho peng mi a si caah mipi hna nih Thantlang khua luh ṭhan le um ṭhan nak ding caah himnak a um rih lo tiah ralrin a pek fawn.Cun, Thantlang khua sersiam le dirh ṭhannak cu mipi uknak phu pawl, mipi hriamtlai phu pawl, ramchung ramleng um Thantlang mipi pawl telh in ṭuan ding rian a si tiah ICNCC nih a chim fawn.
Chinland Defense Force – Thantlang zong nih SAC hruainak in tuahmi Thantlang sersiam le dirh ṭhannak program cu cohlan a si lo tiah June 2 ah cathanh a chuah ve. Dothlennak caan chungah SAC nih Dothlennak a tha a zornak hnga a tuahmi thil vialte cohlan a si lo tiah CDF-Thantlang nih a thanh.Thantlang khua ah hmunhma a khuarmi SAC ralkap pawl thah dih an si hlan a si lo le himnak a ummi dirhmun a phan cang tiah thawngthanh a si hlan lo Thantlang khuachung luh ṭhan le sersiam ṭhan a si lai lo tiah CDF-Thantlang nih fiang tein thawng a thanh. Credit: The Chinland Post.
Leave a Reply