Bilin ah council ralhraang motor pakhat bomb puah an ton ca ah Lieutenant Colonel pakhat tel in ralhraang 9 an thi, hliamhma fak tuar 5 an um. Mon ramkulh, Bilin peng ah council ralhraang motor 10 cu KNLA, PDF phukomh nih an kah hna ca ah council ralhraang lei Lieutenant Colonel pakhat tel in 9 a hmun ah an thi tiah kan theih.
Nihin chun suimilaam 12:00 ah Mon ramkulh, Bilin peng Sipin gate chuah, Naungyo ah ralhraang motor tlar cu bomb an puah hna i motor pakhat cu bomb nih a khen ca ah a rawk dih. Cu ralhraang motor tlar cu Bago ramthen, Kyaukgyi lei panh in a kal mi an si nain bomb puah ruang thi le hliam an tam ca ah Kyaikto ralhraang umhmun ah an lut.
A thi mi le hliam a tuar mi hna cu an i phorh hna i, an i tinhnak lei kal cu an i let than tiah kan theih.Bilin ah nihin chun suimilaam 11:57 ah sipin gate lonh, Naungyo ah ralhraang motor bomb an puah hna i motor pakhat cu a rawk dih. Lieutenant Colonel pakhat tel in ralhraang 9 an thi. Panga nih hliamhma faak an tuar, an thih lai zumh a si. Motor 10 ah pakhat cu a rawk dih. Hmai an kal khawh ti lo caah Kyaikto ralhraang umhmun ah an lut” tiah KNLA, PDF phukomh lei thawnghram in kan theih. Ref: Khit Thit Media
Adang Kyauk Gyi Ah SAC Ralkap Nih Khuami 4 An Thah Hna! KNU brigade 3 hmunram Ngawng lay pin pengkomh ah rallam a sualtu SAC ralkap nih Kyaukgyi peng Lawmupe khuami cu meithal in an kah hna i minung 4 an thih lengah pakhat hliam a tuar, tiah KNU nih an thanh.July 3 zaanlei sang ah Bohmu Za Ya Lin hruai mi SAC ralkap nih Lawmupe khuachung an luhhnawh i khuami an thah hna leng ah mipi innlo an khangh, tiah theih a si.
Thah a tong mi hna cu kum 18 mino pakhat, kum 24 pakhat le midang 2 an si i, kum 30 tluk a si mi pakhat zong hliam a tuar. Inn 12, cycle 13, mawṭaw 1 le cycle pakhat an khangh tiah KNU nih an langhter. Tu chung hrawng hi SAC ralkap hna cu KNU hmunram ah thazaang tam ngai in rallam an sial tiah KNU nih an langhter. Credit: The Chin Post.
Leave a Reply