GOOD NEWS. RALHRANG AN I REM TI LO, AN HRUAITU ZONG AN TLAIH CHIH

Ralhrang Pyu Saw Htee le ralhrang kawlralkap an buai. Pyu Saw Htee minung 15 an tlaih hna. Mandalay ramthen Myin Gyan pengah ralhrang kawlralkap le Pyu Saw Htee an i kap i, ralhrang palik pakhat a thi. Mah ruangah ralhrang kawlralkap nih an tuanpi hawi ralhrang Pyu Saw Htee minung 15 an tlaih hna tiah thanhnak an tuah.

Ralhrang kawlralkap le Pyu Saw Htee hna cu July ni 20 ah khan khualtlawng pawl check an kalnak ah pakhat le pakhat biaelnak ruangah i kahnak a chuak. Ralhrang palik pakhat a thi i pakhat zong hliam a tuar. Hi lio ahhin Pyu Saw Htee an tam deuh ti a si. Hi ruangah an hruaitu telh in minung 15 an tlaih hna tiah Myin Gyan mipi uktu nih an thanh.

Pyu Saw Htee hi ralhrang kawlralkap nih hriamnam an pek mi hna a si ko nain an cungah nawlngaihtuk nak an tuahmi cungah pakhat le pakhat an buainak hi a si. Atu ahcun Pyu Saw Htee hruaitu telh in minung 15 an tlaih hna i zeitin an tuah hna lai timi theih a si lo tiah Myin Gyan mipi uktu nih mipi sin ah an langhter.

Thawngpang dang. Kawlram cu ralhrang kut ah a um dih cikcek ruangmang cang. Ralhrang nih Central Bank riantuantu ah anmah ralhrang kawlralkap bawi minung paruk an chiah cang hna. Ralhrang nih nawlngaihnak an lak hnu ah ramchung a zeizongte in nawlngaihnak an lak timi fehternak dingah a tubantuk in Central Bank ralhrang bawi paruk an chiah hna hi a si.

Central Bank riantuan dingah ralhrang bawi paruk an chiahmi hna hi thlakhat ah tingthum in tingli karlak lahkhah an ei lai ti a si. Atubantukin thanhnak an tuah tikah ralhrang kawlralkap nih Central Bank an mah kuttangah a um cang timi a fiang cang. Central Bank ah riantuantu tthenkhat hna cu ralhrang nih an rak tlaih cang hna i cuchung ah dantatnak an pekmi hna zong an um. Atu ahcun rampi cu an duhning paoh an tuah khawh cang lai tinak a si.

Be the first to comment

Leave a Reply

Your email address will not be published.


*