Nawlngeihnak laak hnu 1 February 2021 in 30 April 2022 tiang Karenni ramkulh chung ah kahdohnak voi 274 a chuak i, SAC ralkap 1065 an thi. Karenni ralkap phufonh lei in ralkap 116 an thi, tiah PKPF (Karenni People’s Force) nih cathanh a chuah.Kahdohnak chung ah SAC ralkap mawṭaw 3 an rawk i, SAC ralkap lei nih cunglei in voi 118 an kah hna, tiah an langhter.
Kahdohnak ruangah mipi inn 1010 an rawk i biaknak lei inn 17 a rawk, tiah langhter a si. Kahdohnak ruangah civil mi 262 an thi i minung 231 cu a ruang um loin an thi, tiah PKPE cazin ah an langhter.Data for Myanmar nih thanh ning ah cun 2021, February 1 in 2022, April 30 chung ah SAC ralkap hna nih meikhangh in an hrawh mi mizapi inn 11,417 an si. Magwe ramṭhen ah inn 2131, Chin ramkulh ah inn 1147, Kayah ramkulh ah inn 407 meikhangh in hrawh an si, tiah an langhter. Credit: The Chin Post.
Muidawh hlasak thiam Iang Len Sung Cabia.Kan Gospel singer Iang Len Sung nih a fan hna sin ah aa lawmhnak le thlacam a cahnak a vun langhter. Iang Len Sung cu Laimi nih cun a thei lomi kan um lem lai lo dah. Cutluk cun a min a thangmi pakhat a si. Tutan ah a fans hna sin ah aa lawmhnak bia siseh thlacam a cahnak kong cu a tanglei bantuk in a langhter.
Thazaang a ka pe i, a ka dawtu vialte nan dihlak cungah Kaalawmtuk e. Bawipa nih thluachuah in pe dih ko hna seh. Nan thazaang pek nak le, nan thlacam nak theipar a zuun tu le a co tu ka si hi Kaalawmtuk. Bawipa nih damnak a ka pek si cun, thazaang a ka petu le a ka dawtu vialte caah Iang Len Sung Fans Group hin, Ka rak LIVE te lai hla kan sa tti te hna lai! Ka damnak hnga thla ka cam piak cuo u law.Bawipa nih daihnak in pe ko hna seh. Credit:Iang Len Sung
Leave a Reply