August Ni 11 kahdohnak ah ralhrang kawlralkap minung 70 an thi i, mipi ralkap lei in minung 6 nih ram le miphun caah an nunnak an pek. August ni 11 rampi huap kahdohnak ah ralhrang kawlralkap minung 70 an thi tiah mipi ralkap lei nih an thanhmi hna chungin theih a si. Tutan ah an thanhmi hna chungin kahdohnak hmun a thimi zat cu a tanglei bantukin a si.
Karen ramkulh Pasusoe kahdohnak ah ralhrang kawlralkap minung 11 an thi i, Chinram kulh Falam peng kahdohnak ah ralhrang kawlralkap minung 8 an thi.Hi zawn hi anmah Khit Thit Media nih an langhterning a si i, a thimi le an sin aa ap mi he an fonh chih i si lai. Cun Yangon ramthen Tha Ke Tah kahdohnak ah ralhrang pakhat a thi.
Sagaing ramthen Chaung Oo le Monywa le Ye Oo kahdohnak ah ralhrang kawlralkap minung 36 an thi. Cun Pakhu ramthen Kauh Kyi kahdohnak ah ralhrang kawlralkap minung 5 an thi tthan i, Kachin ramkulh Shwe Ku kahdohnak ah ralhrang minung 6 an thi rih. Culawng siloin Magway ramthen Myothit peng i kahdohnak ralhrang 3 an thi i, mipi ralkap lei in minung 6 nih an nunnak an pek ve.
Salai Lungthlitum cabia.Ralkap bomb nih Hniarlawn khuami Pi Chia Hnem an coka ah a tlak i a nunnak a liam cu ngaih a chia hringhran. Hakha le a pawngkam ummi nulepa hna cu ihkhun cung i hngilh hmanh ah hna a ngam kho ti lo dirhmun kan phan than cang ko rua. Miphun dawtu ramtang kan unau hna nih caan sau ngai khuachung i kahdohnak nan rak hrial i Hakha khuami hnangam deuh ngai in rak um a si. Nain, tukar nan hun kah than lengmang hna tikah Mizoram le khuate ah kan zam than ne lai maw tiin vansang a aumi an tampi lai.
Nunnak tiang a thapmi pasaltha nan si caah nan thil tuahmi cung ah hohmanh nih mawhchiat le soisel ngam ding cu nan si bak lo, nain khuachung i kah cu kan hrial piak hram ko u timi hi nulepa tampi an phuan ngam lomi biacah a si. Ralkap cu uihrut bantuk an si caah kah an ton caan poah ah mizapi lakah meithal le bomb kah khi thlachiat an ruat bal lo, khuachung nan kah hna caan ah a ingtuar tu taktak cu kanmah miphun lila kan si tawn. Thantlang bantuk in Hakha a ciam dih ve sual lai timi zong phan a um.
Mizapi um lonak Timit le Thantlang ah MAH ralkap an tam tuk ko caah zalawng tein anmah pawl khi fimtawl hmasa ko u law, an dih cang ti tikah Hakha ummi ralkap zong a herh ning in nan rak thuat ve te hna lai, cutik i a phunzaimi an um sual ahcun keimah hrim nih an cal ka kingh te hna lai. Credit: Salai Lungthlitum.
Leave a Reply