June ni 27 kahdohnak ah ralhrang kawlralkap minung 73 an thi. Mipi ralkap lei in minung pakhat nih ram le miphun caah a nunnak a pek. Hihi langhtermi hi rampi huap in kahdohnak ah a cangmi a si. Nizan i kahdohnak hmun le hma a caan hna cu a tanglei bantuk in an langhter.
Paku ramthen Kyauh Kyi kahdohnak ah ralhrang kawlralkap minung 20 an thi i, Shan ramkulh Kuatkhaing kahdohnak ah ralhrang minung 3 an thi. Cun Sagaing ramthen Min Bu le Monywa kahdohnak ah ralhrang kawlralkap minung paruk an thi. Culawng siloin Mon ramkulh Ye peng kahdohnak ah ralhrang panga an thi.
Sagaing ramthen Chaung Oo le Min Mu kahdohnak ah ralhrang kawlralkap minung 11 an thi i, Tanintary ramthen Pu Law kahdohnak ah ralhrang minung paruk an thi. Cun Sagaing ramthen BanMaoh kahdohnak ah ralhrang minung 17 an thi. Kayin ramkul Okarin sakhan kahdohnak ah ralhrang a thimi zat theih asi lo. Mipi ralkap lei in minung pakhat nih ram le miphun caah a nunnak a pek.
Thawngpang dang. Tamu In Kalay Lei A Kir Mi SAC Ralkap Mawṭaw Bomb Puah An Si I, Ralkap 30 Tluk An Thi: Tamu peng ah SAC ralkap mawṭaw cu nihin (June 27) zinglei Sml 9 tluk ah bomb puahhnawh an tong i ralkap 30 tluk an thi, tiah PDF(Tamu) batallion 3 in rianngeitu nih a chim. Tamu in Kalay lei ah a kir mi an si i, ralkap 100 tluk a cuang mi mawṭaw run an si tiah theih a si. Bomb puahnak ahcun mawtaw 3 an rawk, tiah tualchung mi nih an chim. SAC ralkap lei nih Yanlinphai le Witok khua cu hriamngan le hriamhme he ruahdamh in an kah i, khuami vialte cu an zaam dih hna, tiah theih a si.
June 23 zong ah khan Yanlinphai le Khunmonnun khua pawng ah Tamu PDF batallion 3 nih SAC ralkap mawṭaw 20 cu bomb an puahhnawh hna. Cu tan ah cun mawṭaw 2 an rawk tiah theih a si. Tamu PDF hruainak in PDF phufonh nih Tamu peng Panta khua ah umhmun a khuar mi SAC ralkap le pyosawtee pawl cu June 22 ah khan an kah hna i, ralkap le pyosawtee 25 an thi tiah PDF(Tamu) batallion 3 nih an thanh.
Leave a Reply