Tantaung peng chung council ralhraang hna cu NTDF nih voi hnih an kah hna i ralhraang 13 nak tlawm lo an thi.Karenni ramkulh, Tantaung peng chung ah Council ralhraang motor pakhat le ke ralkap phu khat hna cu May 28 ah NTDF nih an kah hna i ralhraang 13 nak tlawm lo thi le hliam an um lai tiah kan theih.
May 28 zaanlei suimilaam 5:30 hrawng ah Tantaung peng, Kyautdaga khua lei in a ra mi council ralhraang 40 hna cu NTDF le tangti phu komh nih an kah hna i ralhraang 10 nak tlawm lo an thi. Zaanlei suimilaam 6:00 in Kywegadaw khua in Shanlaypin khua ah rian i thlen ding in a ra mi ralhraang motor pakhat cu NTDF nih an kah i ralhraang 3 an thi tiah NTDF in Bo Moh Seih nih Yangon Khit Thit ah a chim.
Cuka hmunhma cu KNU Brigade-2 humhaak mi chung ah a um mi a si i Tataungkyi peng Shanlaypin le Chinpaungtaung (Yuamah) hna ah council ralhraang hmaisuang sakhaan an um tiah kan theih. Oo Ko Gyi hruai mi NTDF cu KNU Brigate-2 chung um KNLA tangti phu komh pakhat a si. 2021 August thla thawk in council ralhraang he voi 20 hrawng an i kap i Captain 3 tel in ralhraang 150 leng kan thah cang hna tiah NTDF tuanvo ngeitu Bo Mouh Seih sin in kan theih. THP
Thawngpang dang. Breaking News. Mizoram ah i thahnak a chuak. Mizoram Serchip khua ah a vapa nih a nupi a thah. Tuni May ni 29 Sunday ah Mizoram Serchip khua Dinthar Vengah Pi Ro Sang Lian cu a vapa Pu Zo Biak Sang nih a thah tiah an langhter. A nupi hi a vuaknak ah a thi tiah an chim i, a tuhi palik pawl nih dotthletnak an tuah cuahmah lio a si.
A thimi Pi Ro Sang Zual hi kum 28 te lawng a si rih. Cun a vapa mithattu Pu Zo Biak Sang hi kum 35 a si tiah an chim. An innchung hmunkip ah hin thisen a um dih. Pi Ro Sang Zual cu an ihnak room pawngah ttuang ah a thi, a hnar le a Kaa in thisen tampi a chuak tiah an langhter.
Leave a Reply