GOOD NEWS. THANGPI IN KAN KUT BENG HNA USIH

Thawngpang ttha taktak a chuak tthan. Upat tlak taktak an si. CNF/A le CDF caah US tangka in tingthum bak an thawh. Thantlang peng Zephai khuami nih Chin National Army le Chinland Defense Force caah US dollar tingthum an thawh tiah thawng theih a si. Bawipa nih Zephai khuami nan dihlak thluachuah in pe ko hna seh.

CDF Zophei Cathanh. Timit lei kahdohnak thawngpang le theihternak. CDF – Zophei, CDF- Hakha, CDF- Thantlang le CNA i bawm in July 30 zaanlei in nihin tiang pehtlai in kahdohnak a um i ralhrang lei in a thi mi le hliamtuar an um. Nihin tiang ah kanmah lei cu kan him rih. Ralhrang hi phuthum in an i then i an ratnak lam cio in bawh an si.

Nawiva lei in a rak kai mi hna cu Timit le Congthia kar lam lei Lungkhar phanh lainak tlang ah CDF phukomh hna nih August 1 zaanlei 2:30 tluk in zaan 8:00 PM tiang an kah hna i zaan a si ca ah ralhrang pakhat a thi mi lawng hmuh a si i aa hliam mi fiang in hngalh khawh a si rih lo. Ralhrang zong an umnak in an kir rih lo pin ah August 2 zinglei zong ah hriam ngan in an kah hna ca ah pehzulh in kahdohnak a um kho.

Cucaah, ahohmanh Congthia le Timit kar siseh, Timit le Hakha kar zong Chawhvah le khualtlawn khawh a si rih lai lo. Ralhrang lei nih thazaang an chap chin i Timit ah hmunhma khur an timh ca ah nawlngeih khawh nan kan zuampiak naklai thawng kan in thanh hna.

Breaking News. Russia ramdang vuanci Kawlram a phan. Russia ramdang vuanci Mr. Sergey Lavrov cu tuzing August nithum ah Kawlram khuapi Nay Pyi Taw a phan tiah thawngthanhnak an tuah. Tutan ah Russia Foreign Minister Sergey Lavrov a phaknak a ruang hi rian konghe pehtlaiin i chawnh biaknak ngaih dingin a rat mi a si tiah an chim.

Hi konghe pehtlaiin TASS nih thanhnak an tuahmi cu Russia Foreign Minister Sergey Lavrov cu ralhrang kawlralkap chungin Minister of Foreign Affairs, U Wunna Maung Lwin he ton biaruahnak an ngai lai tiah an langhter. An i ruah dingmi hi ramkheel lei kong a si i, chawleh chawhrawlnak siseh security lei siseh hmailei Russia le kawlram pakhat le pakhat pehtlaihnak kong hna an i ruah lai tiah an chim.