Thawngpang ttha. NUG cozah nih an biakam bantukin an tuah tthan cang. NUG cozah nih hriamnam he CDM a tuahmi hna cu laksawng kan in pek hna lai tiah an rak timi cu pehzulh in an tuah cuahmah. Tutan zongah thawngpang ttha an vun langhter tthan cang. Hi konghe pehtlaiin a tanglei bantuk in thanhnak an tuah.
Ralhrang kawlralkap le Palik chungin hriamnam he CDM a tuahmi minung 18 cu NUG cozah nih laksawng an pek hna. An dihlak in laksawng an pekmi hna hi ting 344 a si tiah an chim. CDM atuahmi ralhrang kawlralkap pawl laksawng an pekmi chungah ralbawi Buhmu pakhat le Bukyi pakhat le Bokhat zong an i tel i an dih lak in hriamnam he CDM atuahmi an si.
Hi konghe pehtlaiin mipi ralkap PDF lei zong nih an sin ah hriamnam he CDM a tuahmi hna cu ting 50 kan in pek hna lai tiah an rak thanh i hriamnam he a lutmi hna cu laksawng an pek ve hna. Ralhrang pawl zong pehzulh in NUG cozah nih CDM tuah dingin an forhfial cuahmah hna.
Thawngpang dang. Ralhrang dirpitu hna nih video tuksum an thlahmi cu fiangtein dotthletnak an tuah khawh cang. Ralhrang hna nih CDM bawmtu pakhat tuksum in an rak thahmi a rak si timi an theih. Ralhrang kawlralkap dirpitu hna nih dalan tiah nu pakhat cu ttihnung ngai in an thah. Hi thil atuahtu hi Dalan fimtawltu tiah an i ti nain biafiang theih a si.Magway ramthen Myaing peng Kyian Kyi khua ah a ummi lam riantuantu Mah Nanda cu CDM palik a humhimh ruangah ralhrang kawlralkap hna nih an tlaih i ralhrang kawlralkap hnuzultu a simi Pyu Saw Htee an thahter tiah theih asi.
Hi konghe pehtlaiin Myaing PDF hruaitu pakhat nih a tanglei bantukin a langhter.Kyian Kyi khua ah a phanmi CDM Palik Zaw Lin Aung cu Mah Nanda nih a rak thuh ruangah CDM Palik cu a nunnak a rak him. Mah thil ralhrang hna nih an theih caah Mah Nanda cu an tlaih hnu ah a hngawng an tan. Khukbil in an umter i, a hnu lei in Pyu Saw Htee pakhat nih nam in a tan, Tih a nung tuk zohngam ding hmanh a si lo.
Nanda nih a thuh nawhmi CDM Palik Zaw Lin Aung hi Tayet khua palik hmun in CDM atuah mi a si i, Palik sakhan chuahtaak in a zaam hnu ah a chuahnak khua Kyian Kyi a panh. Mah lio ah Yangon in Kyian Kyi khua a rak phan mi Nanda nih humhhimnak a rak tuah i, CDM palik cu a nunnak a rak him.Ralhrang hna nih biathatein hal loin Mah Nanda cu a thah. Hi thil a cannak hi Myaing peng le Yesakyo karlak ram a si. Mah Nanda lawng siloin midang zong ralhrang hna nih an thah mi an um rih. Video a chuak mi hi anmah ralhrang hna nih record an tuahmi a si i, hramhram in mipi hmuh dingah an thlahmi a si.
An duhmi cu midang hna nih hibantukin CDM palik siseh CDM ralkap hna bawmhnak tuah ngam ti hna hlah sehtimi an duh caah a si. Mah Nanda thattu hna cu Myiang palik sakhan ah a ummi le Kani khua, Tayet khua le Watpot khua in Pyu Saw Htee pawl hna an si. A hramthok ahcun PDF an rak puh hna nain a hnu mipi nih thilsining an theih. Hi peng ah hin Pyu Saw Htee phu 6 an dirh i hriamnam 120 hrawng an pek cang hna tiah a chim.
Leave a Reply