May 23 Nizan kahdohnak ah ralhrang kawlralkap Uico pawl minung 59 an thi.Mipi ralkap lei in minung Paruk nih ram le miphun caah an nunnak an pek ve tiah thanhnak an tuah. Nizan rampi huap kahdohnak ah ralhrang uico pawl an thihnak hmun le hma hna cu a tanglei bantuk in an si.
Chin ramkulh mindat kahdohnak ah ralhrang minung pahnih an thi, Sagaing ramthen Yinmapin kahdohnak ah uico ralhrang minung pali an thi tthan. Cun Magway ramthen Kauhhtu kahdohnak ah ralhrang uico minung pakua thah an si i, Yesacu kahdohnak ah ralhrang minung pathum an thi tthan.
Mandalay ramthen Nwahtukyi kahdohnak ah ralhrang minung pariat an thi. Cun Siku kahdohnak ah ralhrang minung 23 an thi. Sagaing ramthen Depeyin kahdohnak ah mipi ralkap lei in minung panga nih ram le miphun caah an nunnak an pek. Karen ramkulh kahdohnak ah mipi ralkap lei in minung pakhat an thi.
Mon ramkulh Ye peng kahdohnak ah uico ralhrang minung pahra an thi.A cunglei langhtermi hna hi May ni 23 rampi huap kahdohnak ah mipi ralkap hna nih uico ralhrang kawlralkap an kahthah mi hna a si i, an dihlak in minung 59 an thi. Mipi ralkap lei in a nunnak a liammi hi minung paruk an si. Cazin theih khawh tawk langhter mi a si i, hinak in a thimi an tam lai tiah zumh le ruah a si.
Thawngpang dang. Ralhrang le mipi ralkap an i kahtuknak hmun Ralhrang nih phone line le internet vialte an thah dih. Sagaing ramthen Myone pakua renglo cu tuzing suimilam paruk in phone line le internet line vialte an thah dih. Cu lawng siloin Myone tthenkhat ah ralhrang kawlralkap hna cu an ra tiah mipi ralkap lei in thawngtheih asi.Kanh Bulu le Cuunhlah lei zongah phone line vialte an thah tiah phungning tein Kanh Bulu PDF nih an thanh rih. Kanh Bulu le Cuun Hlah lei hi zingka suimilam pasarih deng in phone line vialte an thah tiah an langhter chih. Culawng siloin MinMu peng zong internet line le phone line an thah dih.
Minmu peng Mumyt nichuah nitlak zongah ralhrang phu hnih hna cu khuachung ah an lut tiah an chim rih. Hi konghe pehtlaiin khuami cheukhat nih an chimmi cu Monywa peng, khua zongah phone line le internet line vialte an hrawh tiah an chim. Internet line hi an hrawh asinain 2G cu a ngah a si nain zeihmanh aa tuah kho lo.Atu le bang cu 2G zong a ngah ti lo, Phone Line zong a ngah lo tiah PDF nih an chim rih. Atu le bang cu phone line siseh Internet line siseh 2G zong a ngah ti lonak hna cu Khin Oo, Monywa le Ye Oo, Cuun Hlah, Yinmapin le Pule, Kani, Kanh Bulu le Kawlin siseh Minmu peng hna ah an si tiah an langhter.
Leave a Reply