Good News. PDF nih ralhrang minung paruk an kahthah tthan hna. Tuni June ni 27 ah Tanintary ramthen Pu Law peng, Naing Taung khua ah um hmun a khuarmi ralhrang kawlralkap hna cu Pulaw PDF pasalttha hna nih an kah hna hi minung paruk ralhrang kawlralkap an thi tiah PDF chungin theih a si.
Ralhrang kawlralkap umhmun an khuarnak hmun cu PDF Pulaw nih zingka suimilam paruk an kah thah hna. I kahdohnak ah hriamnam ngan he hriamnam hme he an kah hna i suimilam pariat tiang an i kap. Ralhrang lei nih hriamnam ngan in an kah ve hna nain PDF lei cu him tein hnu an pil kho tiah an langhter chih.
Abiapi taktak mi thawngpang relchih. A biapi taktak mi thawngpang a si caah Lailei a ummi chungkhat vialte chim cio hna usih. Hi thawngpang hi kan Pasalttha hna Chin ralkap hna nih thanhnak an tuahmi a si caah pakhat le pakhat i chim cio hna usih. Rianrang in tuni ah thawngthanhnak an tuahmi cu a tanglei bantuk in a si.
Uico Ralhrang kawlralkap hna cu tuni June ni 27 ah Kalaymyo in Chinram lei panh in an rak ra. Hi ruangah mipi vialte hna nih Kalay le Falam karlak ah hohmanh kal hlah uh tiah thanhnak an tuah. Thawngpang a thei lomi an um sual ah Chungkhat vialte i chim cio hna usih. Mipi ralkap CNDF nih thanhnak an tuahmi a si.
Leave a Reply