Hakha Mann Motor In Lai Mino Zeizat Ruam Ko Dah Ralhrang Kut An Phak Cang Mu

Lai mino hna ralhrang Thonginn ah a phor le kua tu, Hakha Mann Bus (motor) hi akham bak in Chin ralkap nih kham rih ahau. Hakha Mann motor in, Lai mino zeizat ruam ko dah ralhrang kut an phak cang mu. Salai William HC.

Relchih; SAC nih uknak lak hnu in ramkulh komh kawlram chung ah har tongmi nuai khat leng (Nuai1.2 ) an phan. Inn le lo a chuah takmi hi sing 8 leng an si, tiah nihin Vawleicung Har Tongmi Ni ah ND – Burma nih cathanh an chuah. SAC ralkap nih mizapi cungah harnak pek le thahnawnnak a tuahmi ruangah mizapi harnak an tonng i, mi a thong thong in inn le lo an chuah tak. Pawcawmnak rian zong an chuah tak dih, tiah an langhter.

Cu bantukin inn le lo a chuah takmi hna cu, minung zawnruahnak lungthin he bawmhnak pek ding cu SAC nih a duh lo, tiah ND – Burma nih an langhter. Ram innpa hna nih nifa tein har tongmi le a zammi hna cu bawmchanh ding lam kawl ding, har tongmi hna an limhang ṭhanchoter ding, har tongmi he aa pehtlai mi biatlaknak le biahren pawl zulh ding in ND – Burma nih SAC ralkap cu forhfialnak a tuah.

Har tongmi nih ramdang sinah i dor chungnak an halmi zong sualpalhnak an tuahmi a si lo, tiah an langhter chih. SAC ralkap an sualnak le mizapi inn an khangh ruangah ramlak ah a zammi tualchung mi hna cu, eidin ti rawl an har tuk pinah ngandamnak le thlopbulnak an har ngai, tiah theih a si. The Chin Post.