HELICOPTER PAHNIH BAK IN AN THUAT CANG, TAMTUK AN CHIAH RIH

Helicopter pahnih in ralhrang kawlralkap nih khuachung an kah. Tukdohnak a um lonak hmun Inngate khua zong ralhrang nih helicopter pahnih in an kah pin ah ralkap thaazaang zong an chap tiah theih asi. Sagaing ramthen Tanse peng, Inngate khua hi tukdohnak zong a um lo. Asinain ralhrang nih helicopter pahnih in an kah.

Nizan April ni 21 chun hnu suimilam 2:50 hrawngah Tanse peng inngate khua pawng hna cu ralhrang kawlralkap nih raltuknak Helicopter Mi-35p hmangin an kah. Cu hnu ah transport helicopter Mi-17p hmang in ralhrang pawl an chiah rih hna. Hi konghe pehtlaiin khuami pakhat nih a tanglei bantukin a chim.

Helicopter pahnih in aa kan kah. Inngate lei zong helicopter in an rak kah rih i tutiang an kah ko. Cu hnu ah ralhrang kawlralkap hna cu helicopter thiamthiam in an chiah rih hna. An chiahmi ralhrang hna hi voithum helicopter in an rak chiah hna tiah a chim chih.