HI BIA HNA KAN PASTOR TE LE KAN PA LE NIH AN CHIM MI HI CU

Vaurawng Zunthil ah Lai mi Chin mi Upa Lungfim deuh le Pastor te cheukhat nih bia an chim tawn ah kawl ralhrang cu kan tei hna lai tiah an chim langmang mi ka hmuh tawn A ttha taktak cu zawn te ahcun bochan tlak bak an si ko. A mah bel te CDF cu Chin Ralkap CNA ah kan fonh kho hna lai lo a hartuk cang lai an ti.

Ruah satmat ahcun Kawl Ralhrang hmanh kan tei hna lai tiah an chim ngam ko ah cun’ CDF CNA ah kan fawnh kho hna lai lo ti cu kan Pale an lung put ah hin Chin Mi kan lung Aa rual nak ding ah biatak tein zuam nak lungthin an nei bak lo ti hi hmuh khawh a si.

Keimah karuah ve ning ahcun CDF hi an zaa tein CNA ah kan fawnh khawh hna lo hmnh ah. Tlawmpal tete in a si khawh Chung in fonhtonh hi kan Upa te nih an i zuam ding ah karak ruah tawn hna.Cu si lo in an mah kan Pastor te le Upa te hrim2 nih hin a si khawh lo nak long te in an hmur kaa ah a lang tawn khi liao sh khin a poi tak2 ka rak ti tawn.

CDF hi CNA nawlpek tang ah um i zuam uh ti hi Upa pahnih khat nih an chim tawn .CDF khi mah le peng nih zohkhenh bu in cun 100%100 bak in CNA nawl pek nak tangah a kal kho naisai lo a har tak2 mi asi. Minung tu cun tlawmpal te in an i bawm tawn ko nain zaa ah Sawmnga hmanh in CNA nawl pek nak tang ah a um kal kho lo. Mah zawng te hi cu kan Upa te nih nan ruahnak nan thlen deuh ii nan kan zuam piak deuh a hau tthan ko. kan nawl ko hna. Catialtu: Lian Bawi.

A dang thawngpang relchih aduhmi caah. Thlakhat chungah mipi ralkap KNLA le KNDO nih ralhrang kawlralkap uico pawl minung 303 an kahthah hna i, minung 215 hliam an tuar. Hi konghe pehtlaiin KNU nih thanhnak an tuahmi cu May thla chungah ralhrang kawlralkap le KNLA, KNDO voi 448 kahnak a chuak. Ralhrang kawlralkap le KNLA,KNDO Kathulay chungah nifatin ti awk bak in i kahdohnak a chuak.

Hi i kahdohnak ah ralhrang kawlralkap le an hnu zul Pyu Saw Htee minung 308 an thi i, minung 215 hliam an tuar. KNLA, KNDO lei in minung 7 nih ram le miphun caah an nunnak an pek. Cun minung 26 hliam an tuar tiah an langhter. Ralhrang kawlralkap hna nih mipi umnak hmun khua ah cunglei raltuknak vanlong in bomb an thlak kahmi ruangah mipi sawhsawh minung paruk an nunnak a liam i, minung 21 hliam an tuar tiah an langhter chih.