Tulio kan ram dothlennak ah mah bing tein riantuan aa tim mi le Chinmi sinin i thek aa tim mi phu tete vun hmuh pah len an si. Hihi ralhrang hna nih an duhbikmi le an i timh bikmi (divide and rule) cu asi. Chin miphun mitlawmte nih kan lung ai rual lo ahcun ralhrang teinak ding kan lam ai hlat tuk lai.
Hi zawn ah fiangtuk in thil a langh mi cu CNA ahhin i hngat ko hna usih, mipi nih kan thazaang dihlak in bawm ko hna usih, lung ai rualmi nih lungdong lo tein ruahnak kaupi he thazaang pe chinchin ko hna usih. CDF zong hi thazaang biatak tein pek a herhmi asi, miphunpi huap in riantuan ai tim lomi le mah bing tein a ummi Chin miphun he riantuanti a duh lomi phu paohpaoh cu bawmhnak zong pek ding an si ti lo. Credit: Chelsea Bawi.
Thawngpang dang. Ralhrang le KNDF Phu Fonh Kahdoh Nak ah Ralhrang lei minung 44 an Thih pin ah An Mawtaw 8 A Rawk Dih. Kareni peng chung, May thla a hmaisa bik zerhkhat chung ralhrang le KNDF kahdoh nak ah ralhrang lei in minung 44 an nunnak a liam. Cu lengah an mawtaw 8 meikhangh piak an tong. KNDF lei in ralkap pakhat nunnak a liam tiah theih a si.
Ralhrang hriamnam a chaan tu pawl mawtaw cu mipi ralkap KNDF hna nih an kah peng hna caah Pharuso peng le Bawlakhe penghnih karlak ah voi 13 kheng kahdoh nak a chuak. Ralhrang mawtaw 30 a run in aa zulmi hna cu KNDF nih an kah hna ii minung 44 an thi cun mawtaw 8 an hrawh piak hna tiah theih a si. Cun meithal zuun 15 le hriamnam dang tampi an lak lengah a nungin ralhrang pahnih an tlaih hna tiah KNDF lei nih thawng an thanh.CCN
Leave a Reply