Hmaikor aa vuahmi CDM tuah ralhrang kawlralkap minung pathum an tlaih cang hna. PDF kongkau dottletnak tuah duh ah CDM a tuahmi ralhrang kawlralkap minung pathum an tlaih hna. Hi konghe pehtlaiin NUG Defense Minister Ye Mon nih a chimmi cu PDF sin ah CDM tuah in ngiatthlainak a tuahtu ralhrang pathum tlaih an si cang.
CDM kan tuah tiah a timi si hna seh mipi lei ah kan dir tiah a timi siseh, mizei paoh an si ah, mipi lei a lutmi hna cu dottletnak thatein tuah dingah Central Committee kan dirh. A tu tiangah Dalan ngiathlaitu timi minung pathum tlaih an si. Minung tampi cu thinlung thiang tein mipi lei ah an dir i, mipi caah ralhrang an doh hna tiah a chim.
Ngiathlaitu tlaihmi hna cu mipi ralkap sin ah chiah rih an si. Myanmar Nitlak lei ah pakhat tlaih a si i, Chak lei ah pahnih tlaih an si. Tutiang rih ahcun Myanmar laicer le thlanglei ahcun mahbantuk minung cu an um rih lo. Kan tlaihmi hna cu mipi ralkap kut chungah kan ap tiah an langhter tthan.
Min Aung Hlaing hruaimi ralhrang kawlralkap hna cu an sakhan an chuahtak hna i CDM an tuah cuahmah. CDM a tuahmi hna hi ralkap minung thongthum le palik thongsarih an um cang tiah Pyituh Pandaing i, CDM Captain Ngi Thu Tha nih a chim. Cun CDM a tuah dingmi hi minung thongthum an um. CDM tuah loin ralhrang a chuahtak mi pumpak in a ummi tampi an um rih tiah theih a si.
Thawngpang dang.CDF Mindat Nih thlacamnak zong an cah. Ralhrang kawlralkap tampi hna cu Mindat lei panh in an kal hoi hna. Matupi in Mindat lei ah a kalmi ralhrang kawlralkap hna cu CDF Mindat nih suimilam pahnih chung an kah hna i ralhrang kawlralkap lei in minung panga an nunnak a liam pin ah tamtuk hliam an tuar.
I kahdohnak ah CDF Mindat lei cu a himnak lei an kal lio ah bomb lamh sualnak in CDF chungtel pakhat nih ram le miphun caah a nunnak a pek. Ralhrang kawlralkap hna cu meng 45 nak ah zahanzan kha an riak lai tiah an zumh. Hi konghe pehtlaiin CDF Mindat nih thlacamnak in kan bawm uh, kahdohnak hi a chuak tthan lai tiah a chim.
Leave a Reply