HRIAM AN TLAIHNAK KUMKHAT TLIN CAMPHA AN TUAH

Mipi ralkap pasaltha Yaw Defense Force hna cu ralhrang kawlralkap doh in hriam an tlaihnak kumkhat tlin campha cu sunglawi ngai in an tuah. Kum khat tlin campha an tuahnak ah hin Chinland Defense Force Mindat lei in palai minung pasarih nih an telpi hna tiah theih a si. Yaw Defense Force hi an rak tthawng ngai cang.

Kumkhat hriam an tlaihnak tlin campha an tuahnak ah hin hmanthlak an langhtermi ah Yaw Defense Force hi an tam ngaingai. Culawng siloin hriamnam meithal zong an ngei ngaingai timi hmuh khawh asi. Hmanthlak vun langhtermi hna hi kumkhat tlin campha an tuahnak hmanthlak an si.

Cabia dang.Dr Ngun Cung Lian Nih Thantlang inn pawl khi ralhrang nih an khanghmi asi lo tihi theih uh. Chin ramkhel upa pakhat nih a chimning in kan rak tar. CNF Camp Victoria a himnak khi Dr. Ngun Cung Lian thawngin a si, Ngun Cung Lian nih CNF Camp Victoria khi a humhim tiah lih le hrokhrawl in catial a um caah hi thawngpang hi ka rak langhter nak a si.

Keimi hi Dr. Ngun Cung Lian he a hlan tein aa kommi kan si i, Min Aung Hlaing hruaimi ralkap nih rampi uknak hramhram in an kan chuh hnu tiang, Cun CDF le PDF an dirh hnu tiang zongah kan i chawn peng. Thantlang ah a voikhatnak inn 19 a khangh hmasa lio zongah Dr. Ngun Cung Lian he kan i chawn. Thantlang inn a kangh hmasa lio ah kan i chawn fawn i, cu ahcun a chimmi,

Ka upa Thantlang inn pawl khi ralkap nih an khanghmi a si lo cuh, Thatein report ka dong peng ve ko. CDF pawl raldoh zong a thiam lomi, meithal puah hmanh thatein a thiam lomi nih hriamnam in ralkap an kah hna i cu nih cun inn mei a thawhter mi a si. CDF pawl nih ralkap an kahnak hna hriamnam in a kaang e.

Ralkap nih an khanghmi a si lo timi hi rak thei uh tiah a ka ti. Ka lungfak ngai i sau ngai kan i chawnh hnu ah ka block i nihin tiang kan i chawn ti lo. Cu lioah Dr. Ngun Cung Lian nih a chim rih mi cu, Kawlralkap cu doh awk an tha lo, an thazaang le hriamnam zong a thawngtuk cang. Zeitin dah puahceh men in nan tei hna lai. Vanlong pakhat an hman ahcun nan thi dih ko lai cu ta.

Cucaah cun CDF tibantuk PDF tibantuk dir len khi lih an si. Ralkap an tei lai lo tiah a chim fawn. Cucaah nihin tiang Chinmi tampi kan thih mi te hna, kan inn lo a kangh dih mi te hna khi Dr. Ngun Cung Lian nih cun ralkap sual a ti duh lo, ralkap a dirpi peng rih hna i an sualnak khuh aa zuam peng. Adonghnak ah langhter ka duh rih mi cu,

CNF Camp ralkap nih a lak khawhnak dingah Strategy a suaitu ah khin Dr Ngun Cun Lian an hman tiah ka theih. Cucu zumhtlak upa sin in ka theihmi asi. Cucaah Dr. Ngun Cung Lian nih CNF Camp Victoria khi a hum him lo, hrawh dingin an hmanmi tu a si ti kha rak theih cio uh. Note: Hi thawngpang hi Chin ramkhel upa pakhat nih an kan kuatmi a si. Amin langhter awk ah a him lo kan ti caah hiti vial in kan rak langhter. Credit: Laikokejournal.