I KAH NAK LEI AH RALHRANG NIH HELICOPTER AN THLAH HOI

Ralhrang kawlralkap helicopter a zuang hoi cang. Ralhrang kawlralkap helicopter pakhat cu tuni May ni 7 chun suimilam hleihnih le cheu ah Mindat le Matupi lei ah a zuang. Atu hi ralhrang kawlralkap hna le CDF mindat hna cu an i kah cuahmah lio a si. Ralhrang motor rual cu tuzing ah khan bomb in an puah hnawh cang hna.

Ralhrang kawlralkap pawl CDF Mindat nih bomb an puah hnawh hna. Ralhrang a thimi le hliam a tuarmi tamtuk an um. Tuni May ni 7 ah ralhrang kawlralkap motor tlar hna cu CDF Mindat nih zingka suimilam pariat le cheu ah bomb in an puah hnawh hna i, tamtuk a thimi le hliam a tuarmi an um tiah an thanh.

Ralhrang kawlralkap hna nih meng sawmli nak khua mipi umnak inn hna cu an khangh tiah an langhter. Tuzing ah ralhrang kawlralkap a thimi le hliam a tuarmi zat hi an langhter lo. Asinain a thi mi le hliam a tuarmi an tamtuk tiah CDF Mindat lei in thawng thanh nak an tuah.

Be the first to comment

Leave a Reply

Your email address will not be published.


*