I ralring cio uh, Mah mipa hi mihlen hmang a si. Amah hi Shan ramkulh chaklei Tachileih ah a ummi a si i, Thailand ah motor siseh cycle le thilri a cah lengmang tawntu mi pakhat nih Cycle cawkpiak dingin Thailand tangka in tingkhat a hlen. June ni 8 chun suimilam 12 hrawngah RT timi kum 26 sin ah tangka tingkhat an pek.
Asinain a hnu ah pehtlaihnak an tuah kho ti lo. Hi konghe pehtlaiin a chimmi cu zeihmanh pehtlaih khawh a si ti lo. A facebook zong a hrawh dih cang, Tik Tok zongah a hmanthlak a thlen dih i Freind list zong a phih pin ah viber ah a post zong a thlen dih tiah hlen a tongtu nih a chim.
A hlenmi tangka hi kawlram tangka in cun ting 60 hrawnghrang a si. Zeitin ka tuah lai timi zong kan thei ti lo. A umnak le a chuahnak zong kan thei lo. Tachileih ah commission tuan in a um timi lawng kan theih. Motor le Cycle le thilri pawl a cawkpiak tawntu a si pin ah minung tthenkhat zong a kuat tawntu a si tiah a chim.
Amah thiamthiam nih kan hnu March thla ah khan Lashio i minung pakhat page Follower zong tingkhat a ngei cangmi Shwe Myawaady Honda Showroom ah tangka ting 20 zong a rak hlen cang tiah theih a si. Tulio ah online in mi a hleng lengmang mi tampi an um ruangah mipi zong i ralring cio hna usih.
Thawngpang dang. Tutan cu lung a hmui ko. June ni 13 kahdohnak ah ralhrang kawlralkap minung 103 an thi. June ni 12 rampi huap ralhrang kawlralkap le mipi ralap i kahdohnak ah ralhrang kawlralkap lei in minung 103 an thi i, mipi ralkap lei in minung pahnih nih ram le miphun caah an nunnak an pek.Kahdohnak a chuahnak hmun le a thimi zat. Kachin ram, Shwe Ku peng kahdohnak ah ralhrang kawlralkap minung 50 an thi. Cun Kachin le Sagaing ramri kahdohnak ah ralhrang minung 9 an thi tthan. Chinram kulh Kanpetlet kahdohnak ah ralhrang kawlralkap minung 19 an thi.
Mandalay ramthen Mataya kahdohnak ah uico ralhrang kawlralkap minung 10 an thi i Sagaing ramthen Kaw Lyn kahdohnak ah ralhrang minung 7 an thi. Sagaing ramthen thiamthiam Myaing kahdohnak ah ralhrang pahnih an thi than. Cun Wat Lat kahdohnak ah ralhrang pathum an thi rih. Mon ramkulh KaukHtu kahdohnak ah ralhrang pathum an thi. Karan ramkul kahdohnak le Sagaing ramthen Kani kahdohnak ah mipi ralkap pakhat veve nih ram le miphun caah an nunnak an pek. A cunglei langhtermi hna hi mipi ralkap lei nih thanhnak an tuahmi chungin khawmhsuat mi a si.
Leave a Reply