Ramri Tiau Tiva chung SAC bomb tlak kong ah kan lungrethei tiah India nih chim,India ram Mizoram ramchung ah SAC ralhrang bomb a tlakmi kong ah India cozah nih tuah deuh ah cun zeihmanh a chim lo nain atu an lungretheihnak kong an hun langhter ṭhan.
January 10 le 11 ah khan Myanmar nih ramri ah vanlawng kahdohnak a tuah timi kan theih. Cu kahdohnak ah cun Myanmar vanlawng India ramchung ah a lut lo. January 10 ah Myanmar nih a thlakmi vanlawng bomb belte hi India-Myanmar ramri Tiau Tivakam ah a tla.
Cu bomb a tlaknak pawng hrawng ah cun Farkawn timi khua a um,” tiah India Ministry of External Affairs (MEA) chimnak nawlngei Arindam Bagchi nih a chim. Atu bantuk in ramri bomb a tlakmi ruang ah India zong kan lungre a thei. Hi kong hi anmah Myanmar he zong ceihmainak kan ngei,” tiah a chim chap.
SAC ralhrang nih January 10 ah Camp Victoria a kah i CNA ralkap nu pahnih le pa pathum an nunnak a liam. Inn tampi zong an rawk hna. January 11 ah Camp Victoria cu SAC ralhrang nih vanlawng in an rak kah ṭhan i, Camp Victoria chung i si-inn a rawk dih cikcek. SAC ralhrang vanlawng kahnak ruang ah Camp Victoria kiangkap khuami 200 leng Mizoram ah an zaam chap hna, tiah The Indian Express nih a ṭial. TCJ
Relchap.CJDC nih ralhrang tender ttuan lo dingin statement a rak chuah nain 10% laak in companies pawl ralhrang tender nan ttuanter hna pinah hriamtlai upa pumpak tiangin tender ah nan i tel. CJDC nih tender ttuan loding cathanh a chuahmi cu nan zul duh lo nain tutan Falam um ralhrang palek kahnak ah CJDC cathanh cu nan hun char hoi.
Duhnak zawn poh laak i, mah caah/pumpak hlawknak vial ah CJDC nih a khammi le cathanh zeiah rel fawn ttung lo,mah hi CJDC serhsat le zeirel lo zong a si. 2+2= 3 ti phun hna kan lo sual lai hih.Mah hna hun ruah tikah ralhrang biatak in doh nan i tim tak maw, a min in hriamtlaiphu dir peng ve i,
Min Aung Hlaing or USDP nih kahdaihnak, cabuaicung biaruahnak a tuah tikah peng palai in va luh timh men tiang ruah chih in a dirmi hna kan si sual tak ko maw tihi ruah awk a hun um ngai.
Note: Mah ka tialnak a ruang cu,comments le msg ah cakuat ka don pah caah, hnakruh chun menmen te tiang ka hun langhternak a si.A her cun luki kai le luki hnin dih tiangin langhter te ding,peng huatnak aa tel lo, thil sining diktu langhter mi a si. Credit: Salai Williams Hlawnceu
Leave a Reply