KA DAWT VAN BIAK, KA TUAR KHAWH DING A SI LO EE

Ka Dawt Van Biak Tling (Van) Nu mi nih nau an vun i cawi ah khin ka hngartuk hna na ti, Kan i um cun Nau na ka hrinpiak lai na ti. Na duh mi lawng tampi na ka chim, saduh na ka thahpi i, nang cu na dimdiam ko. Vui dang ahcun ka tah le ka ngaihchiat kha na siang lo i, fak piin na ka kuh.

I, ka dawt tap hlah, kan duh tuk kan ham tuk ruangah a si na ti, na tah ahcun na muichia, na nih ahcun nai dawh tuk e, Nu na ti zih tah lo dingin nuam tein na ka chiah kun ne lo. Nikhat hmanh mah lawng in a tlei lomi ka dawt kha a sia rem in a tlamtling cang hnga maw? Zankhua dei na kut kan tlaih i kan auh ko tung.

Vuidang he na lo tilo e dawt. Kei tuar khawh ding a si lo. Vun dang ahcun dawt kal rih duh hlah, um deuh ko kan ti ah khan, Eee na ti. Tuni cu thlauh khawh na si lo e, Kanmah lawng nih tonmi ko khi kan lo e ka dawt. Na rak tlun da kaw kan hngah mi si ko. Credit: Biak H Tial.

Thawngpang dang.SAC Sawmmi Biaruahnak ah CNF, KNO, KNU le KNPP Kai Tim Lo. SAC haotu Min Aung Hlaing nih tlangcungmi hriamtlai hna he biaruahnak ngeih ding in sawmnak a tuah nain KIO (Kachin), KNU (Kayin), KNPP (Kaya/Karenni) le CNF (Chin) hriamtlai bu hna nih kai lo ding in awaan an langhter. KIO le KNPP nih cun SAC sawmmi biaruahnak ah kan kai lai lo, tiah May 5 ah cathanh an chuah cang.

CNF hruaitu lei zong nih SAC he pehtlaihnak ngeih lo ding in khahlan ah an rak chim lengmang bang in nihin May 6 ah cathanh an chuah i, mipi he fek tein kan dir lai tiah an langhter.KNU chimnak nawlngei Padu Saw Toney nih, “Ahlan i kan rak chim bang khan a si ko. KNU kan dirhmun aa thleng lo,” tiah a chim.SAC nih remdaih biaruahnak tuah an duh ahcun Federal Democracy rampi ser ding in atak in an ttuan hmasa a herh. Cun, mipi cung ah thahnawnnak le serhsatnak a phunphun an tuahmi an ngol a hau i,

Myanmar ram daihnak kong ah ramdangmi zong i tel ding in an cohlan hmasa a hau,” tiah Padu Saw Toney nih NUG thawngzamhnak ah a chim.Aluancia April 22 ah Min Aun Hlaing nih tlangcungmi hriamtlai hna he biaruahnak ngeih ding in sawmnak a tuah i, atu tiang ah aho hriamtlai bu hmanh nih kan kai lai, tiah phungning in an thanh rih lo. TCJ