Thlacamnak in rak ka bawm hram uh tiah Ukraine nu pakhat nih thlacam a cah. Ukrainian Nu pakhat nih fa le kongkau he pehtlaiin mipi sin ah Thlacam cahnak zong a tuah. Ukraine ram vengtu ralkap hna cu a liamcia February in khan zan hngilh kho loin an um cang tiah a chim. Cun an chungkhar an hmuh lonak zong a sau cang e.
Western ram hna nih hriamnam aa kan pekmi thawngin tutiang dirhmun kan phan. An tuarnak hi tahpi phu taktak a si konain, lungthawng taktak in an um rih. Kan fanu le fapa hna he damte in kan ram zalonnak kan hmuh i, kan i ton khawhnak hnga thlacamnak in kan bawm hram uh. Ka fale thawngpang ka theih lonak zong thlahnih renglo a si. An pathum in ram caah an kal tiah a chim.
Thawngpang dang. Ralhrang nih khuami pahnih an thah hna. Nizan June Ni 18 zingka suimilam panga hrawngah ralhrang kawlralkap Sagaing ramthen Wat Lat peng, Lat Kauh khua le Htung Bu khua ah hriamnam ngan an kah ruangah khuami pahnih an thih pin ah minung pakhat zong a kut ah hliam a tuar tiah theih a si.
Ralhrang kawlralkap hna cu khuachung ah an lut i, inn zong inn 10 an khangh tiah an langhter chih. Hriamnam an kahmi hna cu ralzaam umnak lei a tla. Ralhrang hriamnam nih a thah mi le a hliammi hna hi pumpek in rian a ttuanmi ralhrang an rat le rat lo a zohtu hna an si tiah an chim.
Duty mi minung pathum pawngah ralhrang kawlralkap hna hriamnam cu a tla i a puak. Curuangah a tubantuk in an nunnak a liam le hliam an tuarnak hi a si tiah khuami pakhat nih a chim. Athimi hi Htung Bu khuami Ko Aung Kyi kum 35 le Lat Kauh khuami Ko Kyaw Lwin kum 26 an si. Hliam a tuarmi zong Htung Bu khuami a si tiah an chim.
Leave a Reply