KAHDOHNAK A CHUAK, AN HMUHMI HNA PAOH AN TLAIH HNA

Ralhrang nih an hmuhmi minung paoh an tlaih hna. Kahdohnak zong a chuak rih. Kachin ram, Shweku peng Mu Sit khua pawngah ralhrang kawlrlakap hna nih minung an hmuhmi paoh nu he pa he an tlaih hna. Cun kahdohnak zong a chuak tiah theih a si. Ralhrang hna nih an tlaihmi chungin Nu hna cu an thlah colh hna.

Asinain Pa hna cu an thlah hna lo, Atu hi nithum a si cang tiah khuami sin theih a si. Ralhrang hna cu mipi ralkap PDF hna nih an kah hna i, ralhrang kawlralkap lei zong nih hriamnam ngan in an kah ve hna tiah an langhter. Khuami pakhat nih a chimmi cu pawngkam a ummi khuami hna cu an zam hna tiah a chim. Phakanh peng le PutaOo pengah ralhrang hna cu cawlcanghnak an tuah tiah theih rih a si.

Cabia dang, Pakhatnak.Thisen aa nehmi ralhrang kuttang ah kan fa kan nau le siangiin kaiter hna hlah usi. Pahnihnak.Rian chuah taak duh lo in tangka mit lawng a aumi Non-CMD pawl nih siangngakchia ca an chimh hna ahcun an zia a rawk dih cikcek lai.Pathumnak.Nunzia dawh le a lam kip in ṭhan tha tein an ṭhan khawh nakding ah kan fale Church School kan kaiter hna. Sihmanhsehlaw sang le veng le khrihfabu nih rak bochan tuk komi, atu Non-CDM pawl sinah kan fanau hna ca cawnter lo bak ding, kum thum ca an cawn ti lomi nakin an zia a rawk deuh lai.

Palinak.Sianginn kai khawh lonak hi kum pi kum thum a tling deng cang. Fanau hna an vaivuan dih cang, nan ti ko lai. Nain mit that lainawng ralhrang kuttang ahcun kan fanau hna ca cawnter hna hlah usi. Vakok lungput a suallam cu- chiat ah chiatṭi, ṭhat ah ṭhatṭi tinak a si ko. Tei hlan tiang kan doh lai rak timi biakamnak kan leet ahcun vakok lutput a si ti lo.Panganak.Pathian cu biakinn lawngah a um lo, vawlei fimthiamnak hi ralhrang kuttang sianginn lawng ah a um lo. Duhnak lungthin kan ngeih ko ahcun thiamnak cu a fawite. Ralhrang kuttang cacawn a hau lo.Paruknak. Kum thum deng cacawn ngol a si. Fanau hna an vaivuan tuk. Nu le pa nan lungdong. Sihmanhsehlaw lungdongh hnuah ruahchannak a um ko. Tarpa Abraham hmanh kum 90 a si ah fapa rosung Pathian nih a pek ko. Pathian nih a fale ca ah thil ṭha lo khua a khaang bal lo.
Crd. Salai P