Kalaymyo nitlaknak thlanglam ah ralhrang mi 150 hrawngin May 29 ah operation an nei ih PDF-Kalay (Battalion- 2) supply nak inn 3 an ur kang tiah PDF-Kalay (Battalion- 2) in an tarlang.Ralhrang pawl in PDF supply nak sakhan sim dingin an feh lai ah PDF pawl ih bomb kam mi a puak ih ralhrang mi 5 an thi.
A kiang ih khaw um ထောက်ကြန့် khua ah ralhrang an lut, tualsung mi pawl inn an coklet ih thilri pawl an lak sak hlei ah inn 4 an ur kang tiah theih a si. PDF pawl a hlan khan ihsin an rak timlam cia ruangah thi le hriamtuar zo hman an um lo. Ralthuam sun mi khal an neih lo thu PDF (Kalay) battalion -2 cun an tarlang.
Relchih.Ralhrang thuneihnak hnuai ih tlawngkai duh lo, CDM tlawngta pawl hrangah an cazirnak bahlah lo dingin Tamu Education Board in Facebook ihsin cazirnak an tawlrel sak ding thu Tamu Education Board in an tarlang.
CDM tlawngta pawl cazirh dan ding cu thadamte in zirh theih ding mi Home-based Learning a si.
Internet lam ih harsatnak nei pawl cu an umnak ah Memory Stick in an zir ding mi hmuahhmuah an pek ding thu theih a si.NUG cozah fimzirnak vuanzi zung in cazir ding an timi video file pawl khal tlawngta pawl in olsam zetih an zir theinak ding an tawlrel sak ding thu khal an tarlang.Crd:Chinlung Today
Leave a Reply