Kalay peng i kahdohnak ah ralhrang kawlralkap minung 42 an thi i, mipi ralkap lei in minung pahnih nih ram le miphun caah an nunnak an pek. Hihi a hnubik nithum chung an i kahdohnak kong an langhter mi a si.July ni 11 in July ni 13 tiang Sagaing ramthen Kalaymyo thlanglei ah ralhrang le mipi ralkap hna cu fak ngaiin i kahdohnak a chuak.
Ralhrang kawlralkap lei in minung 42 an thi i, mipi ralkap lei in minung pahnih nih ram le miphun caah an nunnak an pek tiah PDF Kalay nih thanhnak an tuah. July ni 11 ah Kahdohnak ah aa telm tangrual mipi ralkap hna cu KALAY PDF le Vakok CNDF, CDF KKG le RKDF, UGF Kalay le adang hna an si.
July ni 12 zanlei suimilam 4:55 ah ralhrang kawlralkap operation a atuahmi hna cu Tisi khua Thilashin Yeihta siangin an phak ah mipi ralkap fonh hna nih an kah hna. Ralhrang kawlralkap lei in a thimi le hliamhma pu mi an tam ngai tiah theih a si. Cun July ni 13 zing pasarih le cheu ah Tauk Kyan khuapawng ah an i kap tthan.
I kahdohnak ah ralhrang kawlralkap lei in minung 42 an thi i, mipi ralkap phufonh lei in minung pahnih nih ram le miphun caah an nunnak an pek tiah an langhter. Kahdohnak a chuah i, an i kah caan hi a sau ngaingai i zanlei suimilam pahnih le minute hleinga tiang a si tiah theih a si.
Thawngpang thar. Tampi in share cio usih thlacamtu an tam deuh lai. Hakha peng Chunchung khua inn a khaanghtu ralhrang kawlralkap hna le mipi ralkap Chin ralkap hna cu an i kah cuahmah lio a si tiah theih a si. Tuzanlei kawlram caan in zanlei suimilam pathum tiang ah ralhrang kawlralkap hna cu an i taap ko rih.
An riahnak hmun in Hakha lei ah kar khat te zong an pat rih lo. An riahnak hmun le hma ah riah le an eknak hmun le hma an eknak hmun ah riah an i tim si rua. Ralhrang kawlralkap chungin nangmah thi hmasa tiah vun i fial zong cu a fawimi thil a si ve lo. Nizan an riahnak chuncung ramchung motor lampi ah tthomtur in an thut lio si ko tiah theih a si. Chirhchan Salai William HC.
Leave a Reply