Kalaymyo ralhrang pakhat PDF sin ah aa fonh. LIB 361 chungin Nai Win cu Nizan may ni 24 suimilam pasarih hrawngah Kyauk Lone Gyi People’s Defense Force sin ah alut tiah thawng theih a si. Hi konghe pehtlaiin CDM a tuahmi ralkap Nai Win nih a chimmi cu a tanglei bantuk in a si.
Raltuknak hmun kan chuahnak hi thlahnih hrawng a si . Kalaymyo, Nat Chaung kahdohnak zongah kai tel, Cun Kany Peng kahdohnak zong kai tel rih. Khua tampi inn khangh mi hi nawlpeknak ruangah khangh a si. Ralhrang tampi kahdohnak ah an thi paoh ah inn an khangh lai tiah a chim.
Raltuknak hmun pakhat ahcun nithum ca lawng ei ding aa kan pek. Rawl kan chanbau tik ah mipi thilri ei le din siseh, a phunphun fir a si. Culawng siloin phone hman hi ken hrimhrim a ngah lo tiah a chim chih. Cun hmaisuang ralkap hna hi raltuknak hmun ah kuanfang 500 pek an si tiah theih a si. Ralhrang kuttang in chuah a duhmi hi tampi an um tiah a chim chih.
Cabia dang. CNF aiawh in United Nations Security Council Expert le Advisors pawl sin ah ka miphun nih tu lio kan tawn cuahmah mi kong biatawi chim ah New York cu ka rak phan. K3C kan ti tawn mi kan hawi le a tu lio ral aa tu cuahmah mi Kachin, Karen, Karenni (Kayah) in an hruaitu pawl le an upa pawl zong an rak raa cio ve.
CNF lei in siseh, CBCUSA lei in siseh, CHRO lei in siseh kan tawn cuahmah mi kong vialte tlamtling tak tak in information an ka pek caah tlamtling tak tak in kaa tim. Kan caah a herh mi le a biapi mi tlamtling in ka chimh khawh hna tiah ka ruah i kaa nuam. Kan hawi le K3 pawl zong an chim mi a ttha ngai. A phan mi pawl hi paza ngai experience tamngai a ngei mi lawngte an si.
UNSC Expert pawl zong cu kan caah siaherh nak a ngei ngai mi, Burma ram ah a rak um bal mi zong an um caah siaherhnak ngan ngai an kan ngei ti a lang. Kan chim mi hna cu kan miphun kan tawn cuahmah mi pawl a si a si i, kan hal mi hna anmah lei bawmh ding belte cu chim ding ah a tuan tuk rih.(K3C= Kachin, Karen, Karenni, Chin). Credit: Daniel Sakhong.
Leave a Reply