KAN CHIN RALZAAM HNA DIRHMUN CU ZAANG AN FAK KO

Kanpelet Peng Ah SAC Ralkap Nih Mipi Innchung Thilri An Fir, Ralzaam Harnak An Tong! Chin ramkulh, Kanpelet peng chung June 9 CDF-Kanpetlet le SAC Ralkap kahdohnak a chuah hnu in, khua 11 in khuami mizapi hna cu a himnak hmun ah an zaam hna.

Kahdohnak a daih hnu tualchungmi hna anmahle khua cio an rak tlun ṭhan tikah SAC Ralkap nih an innchung thilri vialte an rak laakpiak dih hna pinah inn lo an hrawhpiak hna caah ralzaamnak in a rak tlungmi hna nih harsaknak an tong, tiah theih a si.

Kanpelet tualchungmi pakhat nih cun, Kan pawngkam khua dihlak ti awk in ral kan zaam hna i, kan zaam karah kan innchung thilri vialte an laak dih, innlo zong an hrawh hna, a rawkmi innlo thuamhṭhatnak le an firmi thilri zalh ṭhannak ding ah phaisa kan kawl cuahmah,” tiah a chim. Inn hrawhpiak a tongmi khua hna cu, Ze-laung-Pan, Kyut Ttaw, Am Pung khua le khua dang dang hna an si. The Chin Post.

Saya John Fready Cabia. Pathian Orhlei Kam Biathli. Lam 7:55,56 Sihmanhsehlaw Thiang Thlarau in a khatmi Steven nih khan van lei khi a hun zoh i Pathian sunparnak kha a hmuh i Jesuh cu Pathian orhlei kamah a dir kha a hmuh. Aa thawh i, “Zohhmanh u, vancung aa hun i Pathian orhlei kamah Mi Fapa a dir kha ka hmuh,” tiah a ti.

Steven nih vân lei a hei zoh ah khan Orhlei kam a ngeitu Pathian kha JESUH he hmunkhat ah a hmu chih taktak hnga maw? RUALUK Study Baibal ah ka zoh le Pathian orhlei timi tialnâk câng 55,56 le 59 hna cu fianternâk a rak tial lo.Mizo Study Bible ah ka zoh than i, orhlei nih a hmuhsak mi cu, ( thangthatnâk le Nawlngeihnâk ) tiah fianternâk a tuah.

Right hand of God, Pathian orhlei tihi, Pathian thawnnâk, lianngannâk , thiltikhawhnâk ca i tahchunhnâk ah hman mi a si. tiah , Rev. Lalsawma nih a ti ve. Bible Dictionary, cahmai , 152,153 Lam 7 : 59 nâk, Pathian a auh i, “Bawipa Jesuh, ka thlarau cu ka cohlang ko,” tiah a ti lio ah Stephen cu lung in an cheh.( Hakha Bible Thiang )

Steven nih, Bawipa Jesuh ka thlarau hi rak cohlang ko, tiah Pathian a auh lioah lung in an cheh. ( RUALUK Study Baibal ) A fiang mi cu, Luka nih Steven nih Bawipa Jesuh tiah a auh mi cu Pathian a si a ti caah , zei ah an rak rel lo mi Mi Fapa Jesuh cu Nawlngeihnâk le Sunparnâk le Thiltikhawh thawnnâk le Lianngannâk ah a dir cang tinâk si. Credit: John Fready.