Chin pasaltha pakhat a simi Salai Elishama TN nih fiangte in a vun langhter cang. Atimi cu Miphun dohthlennak ah ttih a nung bik mi cu mino pawl kan thi a daih, kan lung a dongh hi a si. Lai lei tam deuh mino cu ramtthat lio dirhmun he kan i dang lo. Kan khua, kan pengtlang a daih ahcun kan i zaa, kan hnangam.
Kan khua kiangkap ah kahdaihnak a um lo cun a dai tiah aN ruah.Kan Chinland a him lo kha an philh. Hiti a kal ko ahcun kahdohnak hmun kiangkap a um mi khua le miphun a daw tak mi lawng an tang te lai. khuate tlawnnak ah mino an dirhmun tiah Chin Pasaltha Salai Elishama TN
Thawngpang dang. Apoi hringhran ko ee, Tuni June ni 18 suimilam 12 hrawngah ralhrang kawlralkap uico rual hna nih CDF he pehtlaihnak a ngeimi nu pakhat kan tlaih tiah thanhnak an tuah. Hakha in Gangaw lei ah a chuak mi motor kan check i CDF he pehtlaihnak angeimi kan tlaih hna.
Tuni ah ralhrang kawlralkap hna nih kan tlaih tiah an timi hi Hakha khua ah a ummi Dawr Thar sang a si tiah an chim. Hi konghe pehtlaiin tutan an tlaihmi hi a hodah a si timi an langhter lo. Tuni thiamthiam ah Salai Sui Sang Lian zong SAC Ralkap Nih An Tlaih. Chin ramkulh Khualipi Hakha khua ah nihin June 18 sml 12:00 hrawng Auto Sang um,
Salai Sui Sang Lian cu SAC ralkap nih an tlaih. Chungkhar he naihniam mi pakhat nih, ruah lo piin SAC ralkap cu an ra i an inn an kulh colh. Inn chung ah an lut i chungkhar cazin an chek. Bia tlawmpal an hal hna hnu ah Salai Sui Sang Lian an kal pi hi a si. A phone chung zong ah zei hmanh a um lo.Zeiruang dah an kalpi ti zong kan hngal lo.Ruah lo piin an ra i inn an kulh colh tikah thawng petu an um hrimhrim lai, tiah a chimchap.Mithmu tu pakhat nih Cherry sang lei ah an kal. Mi an kawl hna, laipuan an i ngerh i a chung in meithal an i put, tiah a chim.
Leave a Reply