Tonzang cachimtu CDM a tuahtu hna konglam cu lungfak ngaingai a si ko. Ralhrang nih sunglawi ngaiin lawmhnak puai an tuahpiak hna tiah theih asi. Ralhrang mihlennak an i zumh cang. Ralhrang nih tuan deuh ah CDM tuahmi hna cu rak kir uh, nan mah tein nan rak kir ahcun kan in ngaihthiam hna lai tiah an rak thanh.
CDM tampi hna cu an kir ngaingai hna tiah theih a si. Hi chungah Tonzang CDM tuah cachimtu minung 223 hna cu ralhrang sin ah an kir i, ralhrang nih lawmhnak puai zong an tuahpiak hna tiah an thanh. Ralhrang nih CDM in kirnak ding nicaan an tuahmi hi June ni 14 tiang a si.
Hi konghe pehtlaiin Falam ah cachimtu Sayamah pahnih hna cu ralrhang kawlralkap hna nih CDM an tuah ruangah June nithum ah khan an tlaih hna i, June ni 8 tiangah an thlah rih hna lo. Falam khuapi ah sianginn kai dingin min a pemi hi minung zali tluk an si nain a kaimi hi zathum hrawng an si tiah theih asi.
Cabia dang.Mithi Ruak Humnak ah Pekmi Phaisa Kong Sullam Hi Na Ruat Bal Maw Kan Pi/Pu Hna Zeitindah Ruak An I Hum .Vanchiat thihloh ton tikah mithi bulhnak tiah kan ti lengmang biafang hi hitihin langhter ning law. Hlan lio kan pipu hna nih mithi an um caanah zeitindah khua an khan ti ahcun, Mi pakhat khat a thih tikah khuami, pawngkam khua dawtu nih ruakhum an ithawh tikah mithi ruakhum nak inn ah kutput zeihmanh an I ken bal lo.Mithi nu/pa kha heh tiah an ttah ko.
Nain mithi cu thlan a tlak in khuami le dawtu hna nih ngaihchiat hromhpinak ah an ngeihmi tirawl an I ken I, mithi chuangkhar a ngaihchiami hna cu rawl an dumpi hna. Cubantuk lio caan ah a ngaihchiami chungkhar tuarpinak, ngaichiat pinak le hnemhnak ah tiin acheu nih Ar, phaisa, tirawl, Cite, tbk kutput an I ken hna I cuticun ngaichiatnak cu an hromh pi hna. Tuchan ahcun, thihnak kan ton tikah innka hram bakah bawm hun colh asi, bawm hngaktu nih an bul. Phundang in chim ahcun mithi nu/pa or chungkhar caah kutdawh piak hna a lo (ka bia afak deuh sual ahcun aruah zia ka thiam uh).
Cu cu khrihfabu nih a onh i biatak tein a kalpi caah zatlang nunah 100% in tuah ding in ruah asi cang.Mithi bulhnak a ngei lomi caah cun, ruak humnak ah kal ningzak mi, innka luh a ngamhlo mi um afawi. Ruak humnak ah kan pekmi chawva nih tampi santlaihnak a ngei taktak ko. Mithi cu amah tein aa fimtawl bantuk khi asi ko. Chungkhar a ngaihchiami hna ngaihchiat hromhpinak, an ngaihchiatnak hnemhnak caah kan ti ahcun, chungkhar thutpinak ah kan siaherhmi poh pek ve hi kan pipu hna an kal ning bantuk in tuah ve cu alam asi deuh ko rua.
Cu caah hika zawnah langhter ka duhmi cu, Ruak bulhnak timi biafang le Ngaihchiami chungkhar hnemhnak/tuarpinak timi biafang hi aa khat lo caah kan pekmi chawva zong hi akalnak ding le a hmannak ding ruah chih buin biafang hman zia zong thiam i thleidan thiam a herh ti hi asi. Ka chimmi hi a cohlang kho lomi tampi nan um kho, nain tha tein thil sining iruah tti hi a tha bik. Credit: Ceuuk
Leave a Reply