Kan Hawile Ralram Lei An Ithawh Than Cang

Kan hawile ralram lei an ithawh than cang. Miphun le ram ca ah nunnak thapmi kan hawile hrangah thlacamnak in nan kan philh lo ding zong kan in sawm than ko hna. Bual hrinsor Miphun le ram ca ah a lamkip in a telmi nan zapi cungah kan ilawm tuk. Caan Karlak Mipi Thihruaitu Bu-Bualpeng.

Thawngpang Dang; Ayeyarwaddy ramṭhen, Hpiapung (ဖျာပုံ) pengkomh Hpiapung meithat zung pawng ummi dawr khan hna cu, SAC ralkap nih an hrawhter hna caah June 9 ah an hrawh dih hna, tiah tualchung mi hna sin in theih a si. Cu dawr khan hna cu Hpiapung meithat zung hmunhma ah a ummi an si. Thil an zuarnak hi kum 30 hrawng a si cang lai.

Hlan man tangka an pek ko hna. Asinain SAC nih lam nan phih tuk an ti caah an ṭhialter hna, tiah theih a si. “Thil an zuarnak hi kum 30 hrawng a si cang. Meithat zung hmunhma a si caah hlan man cu meithat zung an pek hna. SAC nih lam a luat lo, nan phih tuk caah i ṭhial u an ti hna caah dawr khan 21 cu anmah te cio in an ṭhial dih,” tiah tualchung mi pakhat nih a chim.

Hpiapung meithat zung zong nih SAC ralkap nih an ṭhialter mi hna cu an cohlang lo, tiah meithat zung he aa naihniam in a ummi hna sin in theih a si. Hpiapung meithat zung hmunhma cu dawr khan lawng si loin SAC nih Hpiapung khua chung ah lam he aa naih tuk, tiah an timi kuva dawr telh in dawr khan hme tete 100 leng zong an ṭhialter hna. Crd. The Chin Post.