US Ah Laimi Pafa Hna Nam In A Sawhtu Cu Kum 25 Thongdan An Pek: Kum 2020, March thla lio ah Laimi pafa hna nam in a sawhtu Jose Gomez III (kum 21) cu US biaceihzung nih August 4, cawn nili ah dantatnak an pekmi a thanh.Pu Bawi Cung Nung le a fale pahnih cu US ram Texas ramkulh Midland khua, Sam’s Club dawr i an kal lio ah Spanish pa Jose Gomez nih nam in a rak sawhmi hna an si.
Jose Gomez nih cun Covid zawtnak a chuahtertu Tuluk miphun ah ka ruah hna caah ka sawhmi hna a si, tiah biaceihzung ah a chim. Hi caan hi Covid zawtnak a chuahka a si caah Asian mi le a bik in Tuluk miphun cu huat le ral an ton tuk lio a si. Cucaah Pu Bawi Cung le a fapa zong hi sualnak le palhnak zeihmanh an ngei lo nain namsawh tiang an tuarnak a si.
Pu Bawi Cung Nung le a fapa nam in sawh an ton hi 2020, March 14, zanlei 7:32pm ah a si. Nam sawh an ton lecangka in an pawngkam ummi Mirang pa nih a zuanhnawh hna i amah zong hliam a tuar. An pafa in an hmai ah a sawh hna i a fapa Robert hi fak tuk in a hliamh. An pahnih in siizung ah an tlikpi colh hna. Ni zeimawzat siizung an um hnuah dam tein an chuak ṭhan.
A sawhtu Jose Gomez hi a sawh hna lio ah kum 19 a si, kumhnih a rauh hnuah biaceihzung nih kum 25 thongdan an pek hi a si. Pu Bawi Cung Nung hi Midland Chin Immanuel Baptist Church chungtel a si i, Kum 2014 ah US a phanmi an si. Pathian a duh ngaimi a si, tiah theih a si. Laitlang lei a khua cu Thantlang peng Thau khua a si nain Kalaymyo ah a ummi an si. Credit: The Chin Post.
Thawngpang dang. KNU/KNLA Le DKBA Fonh An I Tim Tthan. Federal Union Uknak Cu Parliament Lawngin Siamkhawh a si. SSPP/SSA General Khe Tai. August 3,2022 ah khan KNU/KNLA ralbawizik General Pado Saw Johnny hruaimi le DKBA i General Satii hruaimi pawl cu KNLA Brigade-7 hmunhma’ah hmuhtonh biaceihnak an nei hna i, Karen Miphun dih lak tangah Thisen khat, Aw-an khat,Nawlpeknak khat”တသွေး၊တသံ၊တမိန့် in hmunkhat teah kal ti than dingin puanlang (Verbally)hnatlaknak an tuah.
Hi KNU/KNLA le DKBA phufonh nih hin Bo Nayda Myat dirhmi Khawthulay Army(KTLA)cu cawl kholo in rengh dingah DKBA Chief General Satii le KNU/KNLA Battalion Commander Lt.Colonel Neyda Thu nih mawhphurnak an lak lai ti’ah hnatlaknak an siam fawn.Cun, Karen Ramchungah Myanmar Ralkap nih faktukin raltuknak Operation an nei mi hi ngol cawlh dingin Karen Miphun aiawhin DKBA Chief nih SAC Chief sinah nawlnak tuah seh an ti.
Hi Meeting ah hin KNU lei’in General Secretary Pado Taa Thumu, KNLA Brigade-7 Commander Brigadeir General Zaw Duh le Ral bawi zeimawzet, DKBA lei’in an Headquarters Commander Brigadeir Sai Kyaw Hlah,Brigade-1 Commander Brigadeir Shwe Wah le Ralbawi dang pawl he Mi- 14 an i tel hna.Cun,KNU Civil Administration, Tathung District (Brigade-1) zongnih August-5 ah khan anmah Ukmi District chungah NUG/PDF telhin aho hmanhnih Uknak Administrative Committee nan dinh kho lo ti’ah nawlpek Cathanhnak an chuah fawn.
Cucaah KNU/KNLA Uknak Ramchungah buainak fak chin chinin a chuak kho mi asi.SSPP/SSA Vice Chairman-1General Khe Tai le Vice-2 Lt.General Khunsai hruaimi delegate-10 hna cu 4 August,2023 ah khan Nyphydaw i, Bayintnawng Guest House ah Sr.General Min AungHliang he ton biaceihnak an nei hna i,SS PP/SSA lei nih Panglong Agreement ningin zumhawktlak Full Federal Union kalpinak kong biatak thlakin an ceihpi. Political Thongtlami chuah dih hnu’ah All Parties meeting neih.
Cun, Caan saupi deih dingmi zumhawktlak Federal Union kong hi Ralkap Cozah nih nan pe kho lo. Cucaah, Mipi Cozah asimi tlangcungmi kan dih lak telhin Parliament ah chuahpi i ceihkhannak tuah si -seh ti’ah hnatlaknak an ngei ti’ah theih asi.Gen. Khe Tai nih cun,raltuknak in zeihmanh remdaih nak achuahpi kho lo i, remdaihnak le Federal cu Cabuai cung le Parliament biachah nak lawng lawngin hmuh khawh asi tiah achim fawn.
SSPP/SSA hi remdaihnak minthut rih lomi asi i, Shan ramah cun, hriamtlai hmasa bikmi phu an si. Kum-1962 General Newin nih Anna a ting hnu 1964 April 24 ah khan Burma President hmasa bik Saw Shwe Taik Nupi Mahadevi Sao Nang Hearn Hkam hruaimi hriamtlai group-4 SSIA, SNUF, KRF(Kokang)le SUA pawl fonhin SSWC/SSA ti’in an an rak dirh. Sina’in Kum-2 hnu ah Taluk Communist duhlo pawl SURA ti’ah an chuah than i,cu hnu tlawmpalah RCSS/SSA tiah min an let than i atu General Yawd Serk hruaimi NCA minthut pawl hi an si.
Atu SSPP/ SSA an President cu Sr.General Pang fa asi. SSPP/SSA le RCSS/SSA hi amah Shan Miphun ve ve ram i cuhin atu tiang an i tu peng ca’ah Chaklei le Thlanglei Shan ramah Ralzam mi a thongthongin an um peng rih ko. RCSS/SSA hi Ralkap Cozah nih a bomh peng caah an tei deuhin alang i, SSPP/SSA Uknak hmunhma chaklei Shan ram zeimawzet hi Ralkap le RCSS nih tamnawnpi an chuhpiak cang hna. Amah belte tangti hawikomKIA,TNLA, NMDAA,UWSA hna anei ve hna. Atu August Ni-1 zongah khan RCSS le SSPP/SSA Ralkap pawl cu an i tu cuah mah liopi asi ko. Zei dek an lawh te hnga. Credit: MC Biklian
Leave a Reply