Mah thawngpang hi kan Unau Mizoram chungah a cangmi thil a si. Ka nau tuarnak in keimah nih tuar ko ning. Khuai seh ruangah a tuhi zohkhanh cuahmah an si. Nizan tihni July ni 27 ah unau pali hna cu an inn pawng an um lio ah Khuai an rak zuang. An upa bik changtu a hnakhaw pawngah khuai cu a rak zuang i, a bengh. Cu hnu ah khuai nih cun an vun zuan hnawh lulh.
An upa bik nih a nau cu khuai nih an sehtuk sual lai ti a phan caah a nau cu a kuh chih i, an upa tucu khuainih an seh. A u nih a kuhchih ruangah a nau cu khuai sehnak in tlawmpal a him deuh. Asinain an pahnih in khuai nih cun an seh ngaingai hna i, a tu hi zohkhanh cuahmah an si.
Adang minung pahnih tucu tlawmpal an i ning ngaingai ti a si. Asinain minung pahnih tucu a tuhi khuai nih a sehnak hna a fak ngaingai. An upa bik nih a chimmi cu kanau thihnak cun keimah ka thi ko lai tiah a ti, A nau a chanhnak ah a mah lila fak ngaiin khuaiseh a tuar. Amah hi kum hra hrawng hngakchia a si i. A ralthat in upat a phutuk ka ti caah ka vun post mi a si. Nute hi hngakchiabik changtu a si i, pate hi upa bik a si.Credit: News Lawrkhawm.
Thawngpang dang. Sagaing Ramṭhen Tahlaingkone Khua Inn 50 Leng SAC Ralkap Nih An Khangh!: Sagaing ramṭhen, Tahlaingkone(တလိုင်းကျွန်း) khua cu SAC ralkap nih July 28 ah an luhhnawh i inn 50 leng an khangh, tiah tualchung mi nih an chim. Tahlaingkone khua a duahtu hi Sagaing khuapi hrambunh brigade 33 in ralkap 70 hrawng an si, tiah theih a si.
Khuami hna cu SAC ralkap an ra ti kan theih lecangka in kan zaam dih. Nizaan zing lei ah khuachung cu hriamngan in an kah i chun ah an khangh. Cu hnu in an kan kir ṭhan colh. An kir hnu ah tualchung mi hna le mibu hruainak in mei kan phalh,” tiah tualchung mi pakhat nih a chim. Tahlaingkone khua cu inn 250 tluk a umnak khua a si i, inn a kaang mi chungkhar hna cu khuachung an lut rih lo, tiah theih a si.
Khua a duahtu SAC ralkap hna cu Sataung(ဆားတောင်) khua pawng ah tualchung PDF nih bomb an puahhnawh hna, tiah tualchung PDF pakhat nih a chim.February 1, 2021 uknak laak hnu in 2022 July 15 tiang SAC ralkap nih biaknak lei le mizapi innlo an khangh mi hi 28,419 a si cang, tiah ISP-Myanmar nih July 25 ah an thanh.
Leave a Reply