Kawlram cathiam tanghra a kai lio ah subject dih lak in kungthu a hmumi Ko Myat Htet Naing cu ralhrang nih nungchung thongtla dingin biachahnak an tuahpiak. Ko Htet Myat Naing hi Yangon Technological University ah a kum thumnak a cawng liomi a si. Ralhrang nih a tanglei bantukin sual an puh.
PDF pawl na bawmh hna, tiah ralhrang cawlcanghnak phunglam Anti-Terriorsim Section 50j hmangin nunchung thongtla dingin biachahnak an tuah piak. Ko Htet Myat Naing hi kum 2016-2017 ca cawn kum tanghra exam ah bata dihlak in kungtthu a hmu mi a si. Cun kum 2014-2015 tangriat a kai lio zongah Yangon ramthen chungah cathiam bik le zochuntlak laksawng a hmumi a si.
Hi konghe pehtlaiin ralhrang kawlralkap hna nih May ni 5 ah khan North Dagon sang 41nak le 32nak ah a ummi mino pahnih zong a tubantuk in nunchung thongtla dingin biachahnak an rak tuah cang hna. North Dagon Hlaing Thar Ya le Shwe Pyitha hi tuni tiang ralhrang uknak an phuannak hmu a si.
Thawngpang dang. Ralhrang nih khuabawi rian an khinhmi Dr. Win Aung an kahthah. Yangon ramthen Dalah, Kamasit sangah ralhrang hna nih khuabawi rian an khinhmi Dr Win Aung cu an kahthah. An thah hnu ah ralhrang hna nih khuachung ah Cycle cit an khap tiah khuami sin in theih a si. Ralhrang riankhinh mi khuabawi, Dr. Win Aung cu May ni 26 chun hnu suimilam pale minute 20 hrawngah Boo Ottama le Thazin lam karlak ah kahthah a si.
Dr Win Aung hi ralhrang dohkalhnak a tuahmi mino tampi tlaih khihnak kongah pehtlaihnak a ngei mi a si tiah theih a si. Amah hi Zikan cawhnak a kal ah an kahthah hi a si tiah an chih. Ralhrang he pehtlaihnak tha an ngaih ruangah a tubantuk in an kahthah mi hi a si ko lai tiah an chim. Ralhrang kawlralkap hna nih hi thihnak konghe pehtlaiin khuachung ah cycle cit an khap ruangah mipi hna cu kal umnak ah harsatnak an tong ngaingai tiah an langhter.
Leave a Reply