Thanhnak an tuahmi cu CDF Zotung an mah le mah sakhan an i laakpiak, meithal zuun 6 le kuan 1000 leeng an laak. Kawlram buainak chuah hnu mipi runveng tu in a dir mi CDF Zotung cu an mah le mah kar ah i hmuh thiam lonak le buainak um ruang ah an mah le mah sakhan an i laak piak i meithal AK le Rifles telh in zuun 6 kuan 1000 leeng an laak tiah CDF Zotung sin in thawng kan theih.
Atu bantuk in meithal an i laakpiak le sakhan an i laakpiaknak a ruang hi, zatlang uknak kalpi a duhmi le duh lomi an um ca ah a si tiah kan theih. Hi kong he pehtlai in CDF Zotung General Secretary nih, Kan sakhan an rak laak hi June 10 chun hrawng ah a si. Minung thazaang 40 hrawng nih an rak kan fuh. An hruaitu bik hi Ro Thawng Ling a si.
Anmah lawng ra loin Gangaw PDF an i sawm hna i an motor zong an hman. Kan sakhan an kan fuh lio ahhin meithal nan kan pek lo a si cun tiin an kan tlerh. Kanmah lei tlaih lio mi meithal zuun 6 le kuan 1000 leeng kan pek hna,” tiah CCN ah a chim. Cun, meithal le sakhan an kan laakpiak lawng si loin February 23 i zapi lungtling in suai mi bylaw zong an hrawh dih tiah theih a si tiah nizan ah CCN ah langhter a si.
Hi konghe pehtlaiin Khin Ting timi nih comment ah a tialmi cu, Hi bantuk thawng hman lo tial hi i ralrin a hau. Keimah hi Zotung ka si aa pheu mi minung pathum li kha an auh hna i an duh lo caah an thilri kha phungning tein an lak biatu a si. Meithal Zunkhat hmanh an thlah lo. Hi bantuk in miphun min zuar in tangka kawl hi ningzak zok a si i kan i ralrin a hau lai hih. Thawngfiang theih hnu lawngah tial ah a ttha tiah Khin Ting nih fianternak a tuah.
Lian Bawi Cabia. A tu Zotung CDF buai nak hi USA CDF Supporting le Pengtlang CDF phaisa khawl tu nih va siamremh hna uh, nan mah pawl nih Chin Mino nan kan thah ter dih te lai hi, A um cia mi CNA Supporting hmanh dirh duh lo Pengtlang CDF Supporting va dirh ter hna. A fimtuk le a thiamtuk ah nan i ruah hoi.
CNF zawng CDF dirseh tiah bia tha2 le bia dawh2 a rakChim tu kha ho dah nan si. Nan ning a zak lo maw Nan CJDC cu zei ngai2 a si lo khah. A tu nak in ChinRam hriamtlai CDF hi a buai te lai hih rak thei uh, A can a tlai rih lo Zeitin dah hmunkhat teah nan kan funtom khawh lai tuak tan cang uh, USA in Pastor 6 le CNF 6 tel va tlung uh law Pengtlang CDF khi CNA ah va funtom hna uh,
Pengtlang Upa le Pengtlang phaisa khawl tu zong i sawm chih hna uh An dihlak in Voikhat fonh ah va fonh dih cu a har ko lai naiin tlawm pal te2 in va fonh hna uh law Fonh a duh rih lo mi hna zawng nih a hnu ah cun a zulh ve te ko hna lai. Hi ti ning te cun Can sau lo teah an buai tuk rih te lai. Catialtu: Lian Bawi
Leave a Reply