AN CATHANH AA KHAT KHE LO. Nai Falam le Hakha kar i kahdohnak kongah an cathanh “Aa khat lo,” tiah, tampi an hun post lulh hawi! Falam lei unau hna nih Falam le Hakha kar ah, Falam pengchung i kahdohnak kong lawng an thanh caah minung 40 hrawng in an thanh. Hakha peng cung i dohnak kong kha an cathanhah aa tel lo.
Falam le Hakha kar i Falam peng chung i nili chung i dohnak July 8-11 tiangah minung 40 an timi a si. Hakha peng chung, Chuncung le Hakha Hniarlawn thar hrawng i dohnak, July 12-16 kar kha Falam unau hna cathanh ahkhan aa tel lo. Ca, țhatein rel loin, hnawh sare in nan ca postmi nih mipi lung nan buai ter hna thabat tertu ah nan i cang! Coment tampi hmuh duh ah tam khawh chungin hehchet an thlah chap bei! Credit: Tluang Lian.
Thawngpang dang. Good News. KIA le ralhrang kahdohnak ah ralhrang kawlralkap minung 50 renglo an thi. Cu lawng silo ralhrang bawi pakhat zong hliam a tuar. Kahdohnak ah ralhrang kawlralkap hna nih raltuk vanlong le helicopter zong an hman rih. Phakanh, Se Yin khualei ah ralhrang kawlralkap le KIA, PDF an i kap.
Chung suimilam hleihnih renglo in zanlei suimilam pasarih renglo tiang kahdohnak a chuak i, ralhrang kawlralkap hna nih Jet vanlong le helicopter an hman tiah theih a si. Hi konghe pehtlaiin KIA lei nih an chimmi cu ralhrang kawlralkap hna nih raltuknak vanlong Jet in voi 13 bomb an thlak i, helicopter in voiruk bomb an thlak tiah an chim.
I kahdohnak ah ralhrang kawlralkap lei in minung 50 nak tlawmlo an thi i, ralbawi pakhat tatyinhmu zong hliam a tuar tiah theih a si. KIA le PDF lei in minung pali hliam an tuar i minung pakhat nih ram le miphun caah a nunnak a pek. Thawngpang fiang tein theih khawh a si rih lo. Seyin khua lei ah hin July ni 16 in kahdohnak hi pehzulh in a um.
Leave a Reply