SAC Ralkap He Riantuanti Lo Ding In CDF-Hakha Nih Mizapi Sin Ralrinpeknak Cathanh An Chuah!Min Aung Hlaing le a ralkap hna nih 2021 February 1 ni thokin kan miphun le ram cu sal ah ser an kan timh. Hriamnam bochan in mizapi an kan namneh caah CDF-Hakha zong nih hriamnam hmang in mizapi kilvennak cu kan tuah ve.
Hakha khua chungah ralhrang pawl nih mizapi an namneh tuk cang caah CDF-Hakha nih hi cathanh chuah ni thok in ralhrang hna cu kan hmuhnak paohah kahdohnak kan tuah cang lai. Ralhrang he rian a ṭuan ṭimi zong ralhrang bantukin ruah nan si lai.Ralhrang nih mizapi cu ralphaw ah hmang in himnak an kawl i an uknak fehter an timh fawn.
Cucaah Ralhrang umnak pawngkam ah mizapi nan um nakhnga lo thawng kan in thanh hna. Ralhrang he rian na ṭuanṭi ruangah kut na tuar ah siseh, an umnak hmun, zung le sianginn pawl pawngkam ah na um ruangah kahdohnak hma na tuar ah siseh, Ralhrang le nangmah palh a si lai, CDF-Hakha nih tuanvo a la lai lo. Kan ram le miphun a luat hlan lo nunnak thap in dothlennak tuahṭi ding in kan in sawm hna tiah nihin June 16 ah CDF Hakha nih cathanh an chuah.
Thawngpang dang. Mindat khua um SAC Battalion 274 nih kahmi hriamngan ruangah mipi 3 an thi. Chin ramkulh, Mindat khuachung ah a ummi SAC battalion 274 nih khuate lei ah a kahmi hriamngan ci nih a khen ruangah mipi 3 cu June 16 zinglei ah an nunnak a liam tiah Mindat mipi uknak phu nih an thanh.June 16 zinglei sml 9 hrawngah
SAC battalion 274 nih 120 MM in a ruang um loin a kah caah Myetwe khua pawngkam ah a tla i lo rian a ṭuan liomi kum 70 tarpa pakhat, kum 60 tarnu pakhat le kum 30 nu pakhat an nunnak a liam.Cun, hmunhma (3) chungah a ummi khuate pakhat ah hriamngan 3 a tla i mipi inn 4 a rawk i pa pakhat hma a tuar tiah thawng theih a si.Tulo caan hi, Matupi, Mindat le Kanpetlet khua hna ah mipi hriamtlai phu le SAC karlak ah nifatin ngawt in kahdohnak a chuak. TCP
Leave a Reply